Popular Bible Verses from Ahbár 19

Share

Tum intiqám na lená, aur na apní qaum kí nasl se kína rakhná; balki apne hamsáye se apní mánind mahabbat karná. Maiṉ ḲHUDáWAND húṉ.

Tum murdoṉ ke sabab se apne jism ko zaḳhmí na karná, aur na apne úpar kuchh gudwáná. Maiṉ ḲHUDáWAND húṉ.

Baní Isráíl kí sárí jamá‘at se kah, ki Tum pák raho; kyúṉki maiṉ jo ḲHUDáWAND tumhárá Ḳhudá húṉ pák húṉ.

Tum apne dil meṉ apne bháí se bug̣z na rakhná, aur apne hamsáye ko zarúr ḍánṭte bhí rahná, táki us ke sabab se tumháre sir gunáh na lage.

Jo jinnát ke yár haiṉ, aur jo jádúgar haiṉ, tum un ke pás na jáná, aur na un ke tálib honá, ki wuh tum ko najis baná deṉ. Maiṉ ḲHUDáWAND tumhárá Ḳhudá húṉ.

Tum apní qaum meṉ idhar udhar lutrápan na karte phirná, aur na apne hamsáye ká ḳhún karne par ámáda honá. Maiṉ ḲHUDáWAND húṉ.