Popular Bible Verses from Lukas 2

Share

Hara lii malole ia liin talo ia: Faik ia inak esa bonggi nala Karistus ena nai Betlehem, nai mane Dauk kotan. Karistus naa, Hatahori fo Manetualain helu-bartaa memak kana numa lele uluk mai. Manetualain nadenun mai fo Ana tao nasoi-nasoda hatahori numa sala-singgon nara mai! Ndia ia, neu ko hatahorir roken rae, ‘Lamatuak’, te Ana ndia naena haak parenda basa-basan!

Tehuu ata naa nafada nae, “Ei boso mamataꞌu dei! Nenene matalolole, ee! Au mai fo nau afada ei hara lii malole esa. Basa mana namanene hara liik ia, neu ko ramahoko.

“Ai makadedemak Manetualain naden! Ndia mana toꞌu parenda nai lalai fo demak mateꞌen. Manetualain nau fee mole-dame soa-neu hatahorir marai dae-inak, fo mana tao ramahoko Ndia dalen!”

Leo naak ena Yesus oo namoꞌo mamais losa Ana dadi taꞌe ana, tamba nalela leo-laꞌo neulauk boe. Manetualain ma hatahorir oo sue-lai neun boe.

Dei fo ei malelan no dalak talo ia: ei matonggo mia Kana mbimbila anak esa neni nelusek no tema nelusek. Ana sunggu nai haꞌo bandar dale.”

Leꞌodaen naa, hambu mana lolo hida beꞌe ranea sira bibihie-bibilombon numa mook nai kota deak. Medak neu ma, ara mete-rita Manetualain atan numa nusa tetuk do inggu temak mai. Boe ma Lamatuak saꞌan nasaꞌa ndule basa sara, de ramataꞌu ralan seli.