Popular Bible Verses from YUH 16

Share

N da ko ɲinilu fɔ ai yɛ, sa ai jusu ri suma sɔrɔn n na ko rɔ. Ai ri tɔrɔya sɔrɔn dunuɲa rɔ, kɔni ai ye sɛɛbɛ don, baa nde ra se dunuɲa la.»

Nii Sɛnimanna Tuɲa wa na tuma mɛn na wo ye ai taala tuɲa le rɔ, baa a sa kumala a jɛrɛ yɛ ɲa wo ma, kɔni a wa fen fen mɛn a ri wo fɔ. Ko mɛn ye nala a ri wo ɲafɔ ai yɛ.

Haan bi ai ma foyi maɲininka n tɔɔ rɔ. Ai ye a maɲininka, ai ri a sɔrɔn, sani ai la sɛwa ye dafa.

Kɔni n ye tuɲa fɔla ai yɛ ko: ai la hɛrɛ le a rɔ ni n wara, baa ni n ma wa, Lalilila ti nala ai ma. Kɔni ni n wara n di a lawa ai ma. Wo wa na, a ri julumun ko ni telenbaya ko ni kiti tɛɛ ko gbɛ dunuɲa yɛ, ka a yiraka ii la ko ii filini woilu bɛɛ rɔ.

Wo ɲa kelen de ma, ai mɛn fanan jusukasini sisen, kɔni n di ai yen kokura, ai jusu ri sɛwa. Sawani mɛn ye wo ri, mɔɔ si ti se wo bɔla ai bolo. Wo lon wo rɔ ai ti n maɲininkala foyi la. N ye tuɲa le fɔla ai yɛ ko: ai wa foyi maɲininka n tɔɔ rɔ n Fa yɛ, a ri wo bɛɛ di i ma.

N ye tuɲa le fɔla ai yɛ ko: ai ri kasi a ni ka kule, ka a tɛrɛn dunuɲa mɔɔilu ri sɛwa bakɛ ka ɲaalen. Ai ri to jusukasi rɔ, kɔni ai la jusukasi wo ri yɛlɛman ka a kɛ sɛwa ba ri, fo ka ɲaalen.