Popular Bible Verses from Evangelium e Lukastar 13

Share

Maren tumen te đerdinen ko tanguno udar; kaj tumenge phenav: but đene ka roden te đerdinen thaj na ka šaj.

Thaj dikh, sine odothe e đuvli sava sine la đi bišaipno dešofto berša, thaj sine ćidimni thaj naštisarda nisar te vortosarel pe. A kana dikhljala o Isus, akharda la thaj phenđa lake: Đuvlije, mukljardi injan kotar o bizoraljipe tiro.

Thaj čhuta pe late o vasta, thaj sigate vortisajli thaj ašundinđa e Devle.

Thaj dikh, isi palune save ka oven anglune, thaj isi anglune save ka oven palune.

Kana uštel o kherutno thaj phandela o udar, thaj len avrijal te terđon thaj te maren ano udar vakerindoj: Devljutnea, Devljutnea, phrav amenge! Thaj irisarindoj ka phenel tumenge: Na penđarav tumen kotar sijen.

Na, phenav tumenge, aj te na jertinđen tumen, sare ađahar ka mudarđon.

A ov ka phenel: Vakerav tumenge, na penđarav tumen kotar sijen. Čiden tumen mandar sare save keren bičačipe!

A ov vakerđa: Soske si miazutno o Thagaripe e Devlesoro, thaj soa le ka đirindosarav? Miazutne si vi e kućinake mojratar, save lindoj o manuš frdinđa ani bača pli, thaj barilo thaj ulo kaš baro, thaj e čiriklja e badaleske thanardile pe lesere krangora.