Popular Bible Verses from Génesis 9

Share

Te jiñaꞌa ia Dios: ―Yaꞌa kuu in seña ja saꞌa rin tratu jin ron vi jin ndiꞌi kiti ka teku ja ka oo jin ron ja kokuu nikuii nikani. Saꞌa rin in tikoyeꞌnde nuu viko ja kokuu in seña ja ni saꞌa rin in tratu jin ñuyiu.

Te koo tikoyeꞌnde yun nuu viko, te yun kondakondiaꞌa rin, te kondakaꞌan rin tratu ndaa ja koo nikuii nikani ni ja ni saꞌa rin jin ndiꞌi ñayiu vi ndiꞌi kiti ja ka oo ñuyiu.

Chi nuu ja na in ñayiu na kati niñi inka ñayiu te suni vi ndakati ñayiu niñi mai chi ni saꞌa rin ñayiu nagua oo nagua kaa maa rin.

Yun te ni saꞌa vii saꞌa vaꞌa ña ia Dios jin Noé vi seꞌe de, te jiñaꞌa ya: ―Vi koo kuakuaꞌa ndikin tata ron, te vi ndakaya ron vi ndee na ndachitu ñuyiu.

Te ndiꞌi nuu kiti ka teku yaꞌa kuu ja vi kokaa ron, nagua ja ni taa rin ndiꞌi yuku kuii yaꞌa ja ka jaa ron. Vitna te ndiꞌi yuku vi kiti taa rin nuu ron ja vi kokaa ron.

Te ndiꞌi kiti vi koyuꞌu ña jin ron vi ndee vi koniꞌi ti ja ka yuꞌu ti nuu vi kokuni ña ti ndiꞌi ti kuu kiti yuku vi kiti ndagua ichi andivi vi ndiꞌi kiti jichi kanda nuu ñuꞌu vi kiti ñuꞌu kaꞌa ndute, taa rin ti ja vi koo ti nuu ndaꞌa maa ron.

Su roon, chi vi taꞌu tnaꞌa ron te vi kaya kuaꞌa ndevaꞌa ron vi kutenuu nuu ñuꞌu yaꞌa te vi chitu ron nii ñuyiu, jiñaꞌa ya suaꞌa.