Popular Bible Verses from San Marcos 12

Share

Te jiñaꞌa Jesús: ―Tnoꞌo xtnañuꞌu ja kanuu ka nuu ndiꞌi tnoꞌo tatnuni kuu yaꞌa: “Ñayiu Israel, vi konini tnoꞌo kaꞌan Jitoꞌo Dios, chi maintnoꞌo maa ya kuu Jitoꞌo”, kachi tutu ii. “Te yun guaa kutoo ni Jitoꞌo Dios jin ndiꞌi ndee ini ndee anu ni vi jin jajintnuni ni vi jin ndiꞌi jandakui ni”. Te tnoꞌo yaꞌa kuu tnoꞌo kanuu ka nuu tnoꞌo tatnuni ia Dios. Te tnoꞌo kuu uu, chi vi kintnaꞌa inuu ni: “Kaꞌan too ni in ñani in tnaꞌa ni nagua kutoo ni maa ni”. Te tu na inka tnoꞌo tatnuni ja kuu kaꞌnu ka saa tnoꞌo yaꞌa ―jiñaꞌa ya.

Yun te ni ndakana ya tee ka skuaꞌa jin ya, te jiñaꞌa ya: ―Kaꞌan ndaa ndija san ja kuaꞌa ka xuꞌun ni tnaa ñaꞌa ndaꞌu ja ni ndondaꞌu yaꞌa, saa nuu ndiꞌi ñayiu ka soko xuꞌun nuu jatnu yaꞌa. Chi ndiꞌi ñayiu ka tnai xuꞌun ja ni kendoo ni ka. Su ñaꞌa yaꞌa, chi visi kundaꞌu ña, su ni tnaa ña ndiꞌi ja nevaꞌa ña ja niꞌi ña ja koteku ña ―jiñaꞌa ya.

Te in jichi oo Jesús ini nuu oo veñuꞌu kaꞌnu, nukoo ya yatni nuu oo jatnu ka soko xuꞌun. Te ndiaꞌa ya nasaa xuꞌun ka tnaa ñayiu ñuu nuu jatnu yun, te kuaꞌa ñayiu kuika ka tnai kuaꞌa xuꞌun. Yun te ni jino in ñaꞌa kundaꞌu ja ni ndondaꞌu ña, te ni tnaa ña uu xuꞌun kueli nuu jatnu yun.

Te ja kutoo ya ndiꞌo jin anuo, vi ndiꞌi jajintnunio vi ndiꞌi ja ndakuio, vi ja kaꞌan too in ñani in tnaꞌo nagua kutoo mao, yaꞌa kuu ja kanuu ka ndija, masu ndiꞌi ja ka teñuꞌu kiti vi ja ka soko nuu ya ―jiñaꞌa de.

Yun te jiñaꞌa Jesús: ―Nuu saa te vi kuñaꞌa ni nuu César nagua kuu kuenta maa César, te nuu ia Dios nagua kuu kuenta maa Dios, ―jiñaꞌa ya. Te vi ni ka saꞌu kuii kuiti ini de ja siun jiñaꞌa ya.