Popular Bible Verses from Eòin 1

Share

Ach dhan fheadhainn a ghabh ris, dhan fheadhainn a chreid na ainm, thug e dhaibh còir a bhith nan cloinn do Dhia

Anns an toiseach bha am Facal, agus bha am Facal còmhla ri Dia, agus b' e am Facal Dia.

Tha an solas a' soillseachadh anns an dorchadas, ach cha tug an dorchadas buaidh air.

Chaidh am Facal a dhèanamh na fheòil agus ghabh e còmhnaidh nar measg. Chunnaic sinne a ghlòir‑san, mar ghlòir an Aonghin on Athair, làn gràis agus fìrinn.

Chaidh a h‑uile rud a dhèanamh troimhesan; agus às aonais‑san cha deach aon rud a dhèanamh a chaidh a dhèanamh. Annsan bha beatha, agus b' i a' bheatha sin solas dhaoine.

Air an ath latha chunnaic Eòin Ìosa a' tighinn thuige agus thuirt e, “Seallaibh, Uan Dhè, a tha a' toirt air falbh peacadh an t‑saoghail!

Bha e anns an t‑saoghal, agus ged a chaidh an saoghal a dhèanamh troimhe, cha do dh'aithnich an saoghal e. Thàinig e gu a chuid fhèin, ach cha do ghabh a chuid fhèin ris.

Bha an solas fìor, a tha a' soillseachadh a h‑uile neach, a' tighinn dhan t‑saoghal.

Oir chaidh an lagh a thoirt tro Mhaois; ach thàinig gràs agus fìrinn tro Ìosa Crìosd.