Popular Bible Verses from Mareko 13

Share

Naŋane eŋetneŋo ŋinano pamaike eya wane ŋei ŋerep korop eŋe ŋinane dere worik okanŋunikei. Ŋo, ŋei eŋe togole kisi maep malipka okorayakeo, Kaisale eŋe qeli kepe qoiqoine nasoo ŋei yewa mayake.

Eya wane, ŋine kauluke more ware gekei! Ŋine naso mi detkamami. Ma nasoo yewa wakoniyake.

Ŋei edo ŋibu ari kaunsol eŋano dongo bira ŋunikei, naso yewao ŋine dere mezet mi okane raikei, ‘Ŋene kaunsol dalino edanikene?’ Eya mida! Ŋine eŋane deo okorau, naso yewaka Kaisaleŋo dereret ŋino don mosiyake, yewa ŋine ra qelaŋanikei, eyamo ŋidom mi raikei, yemo Asu Koboboineŋo rayake. Kaisale wane Asu eŋe weneŋ ŋinerop okora ŋidangi edanikei.

Kepe so qeli ere midakeik, ŋo, naŋane don yemo mi midayake. Ŋei Maneŋo eya wane Naso Mi Detkamaike

Yesu eŋe koso manerop rake, Ŋei maneŋo eya wane nasoine mi detkamaike. So qeliwo aŋelo magu so Kaisale wane Gipole eŋe yaleka mi detkamami. Magak Kaisale oŋomka detmaike.

Ŋine baŋ kawali suwaine suwaine eya ukatneka desikei, so momo don, kawali natne kepe nat parom pamaike, eya dere mo qomŋine misuk umareyake! Kine kine yaline korop wakoniyake. Ŋo, qeli so kepe nasoine yemo ikop mi qoeyake.

Yalewa wane ŋine siluŋ warelukkei! Ŋine mi detmami, ma naso mat wane welaine sariyake. Ŋine mi detlukkamami. Eŋe ruwo kereyake nasoo me ruwo keuno me kaiwe wetemaike naso eyao me kepe qae qaewo sariyake. Eya ŋine mi detlukkamami. Mat welaine eŋe gege ikop sariki, qisekeiwane ŋine wisika mesikei. Na don iwa ŋidanmaile eyamo ŋine ŋei ŋerep korop ŋinane biŋek. Ŋine koropŋo warekalukkei!

Mat mane eŋe wiye ari mat mane eŋerop kawali yaku matali okanikei. Ŋei kepe maneo ŋine eŋane ŋei waom eŋe ari kepe mane wane ŋei waom eŋerop yaku matali qetali okanikei. Kepe loutne memeya suwaine ma paki, ŋara wane bodi wakoniyake. Ŋerep edo medep ebukeiwane gae ebumaike. Naso yewao wikile yaline kiyeke wakoniyake.

Alakan, ŋine kepe baŋem ŋei ŋerep korop eŋano kisi maep ra qelaŋane edanikei. Pakiso, kepe qeli naso etne qoeyake.

Ŋei loutne eŋe sari more naŋane eŋetne nora more raikei, ‘Na Kristo.’ Yale ra more ŋei ŋerep loutne isi onikei.

Ŋei edo sari ŋibu ari kaunsol eŋano dongo bira ŋunikeiwane kauluk nagukei. Eŋe ŋine Kaisale wane lewa lewaŋ urum koto zinge more, ŋibu ari biraŋunbi kepe ware ware eŋane deo okorakei. Yewa ŋine kisi maep ra edanikei.

Ŋei natne eŋe sari isiŋune more, iwa yale raikei, ‘Na iwa Waomŋo ŋei ŋerewekoune ŋibukalane biranange’, me raikei, ‘Na propet mane,’ yale ra, masi tanik kine kine, tanikine kine mane kine mane maikei, so isiŋunikei. Eya welekakatne, eŋe maine ŋei ŋerep Kaisaleŋo mo eŋine biŋek biraonge, eya isionikei.

Yesu eŋe koso iwa yale rake, Umat kine kine suwaine yewa midaki, naso yewao kepe deine mupkeki meso eŋe yaleka mi qelaŋaniyake. Serekin eŋe qeliwo ŋine buratke ketpi, kine kine togole qeliwo eŋe korop qise warekei.