Popular Bible Verses from Mareko 16

Share

Eŋe koso edane rake, Ŋine korop kepe baŋem ari more kisi maep ŋei ŋerep maguine maguine eŋano ra qelaŋanikei.

Ŋei ŋerep malipka gekei, Kaisale eŋe eŋane meteeno masi togogole eboniyake. Eŋe asu qotkoine eŋane eŋetko osopka more eŋe don kine mane raikei. Eŋe koma suwabit so qaru eya meteeneŋo malipkaikei me doku suŋainerop nekeiwo, eŋe mi seukkei. Eŋe maine gekei. Eŋe meteene zoma ŋei ŋerep eŋano more ebuwi menaŋoniyake.

Ŋei mane eŋe dere malipka more kisi maep wane doku tauyakeo, eya Kaisaleŋo maki geyake. Ŋo, ŋei mane eŋe mi malipkayakeo, eŋe Kaisaleŋo eŋane sot dere matalikayake.

Pakimo, dokoine eŋe korop kepe baŋem ari more eŋane kisi maepine ra qelaŋane arikoi. Waom eŋe weneŋ mapitone more masi togogoleŋo ŋei ŋerep sikanone more, donene eya ma togoleke.

Pakimo, ŋei yewaŋo edange, Ŋine mi kaet ŋungep! Na detmaile. Ŋine Yesu Nazaret ŋine, eŋe mo kibego qimi, eŋe marat kaikei wane sarimami. Eŋe iwa mi pamaike. Mo wisikae wiyeke! Kau! Iwa motkoi, eŋane papaine iwa.

Eŋe dumao ari more enŋene auye rakoi, Maŋo qesiŋŋone more wesi suwaine yewa deŋesere aŋaine kito wonge metmaike eya ma biraki saket ariki ŋene wakesikene? Wesi yewa kakapa suwaine, eŋe yale ra more ari pore kau, wesi suwaine yewa mo rodigeu saket arike. Eŋe deŋesereo ari waket more kau ŋei qaluwit mane wongoken laplapine libekaka bira more metke. Eŋe ŋei yewa kaikei wane zok kaetonge.