Popular Bible Verses from Mareko 2

Share

Rauso, Yesu eŋe detone more rake, “Maŋo mauluk mauluk ŋei eŋano ari okanmaike? Zomaenerop, me, zomaene midaineŋo? Na ŋei yaline eŋane ra more sarikole. Ŋei sotenerop zuwaŋone more ebu qesiŋ onikalane sarikole. Na ŋei dereretenane detpi koboine okanmaike, eŋe qesiŋ onikalane mi sarikole.”

Yesu eŋe kaŋ qae wiye pore ŋei etke so etke, eŋe one more eŋane mali malipene detone more Yesuŋo zoma ŋei olale rake, “Medep, na geŋane masi qotkoine makone eya mo ma qeliŋ-kawe arimaike.”

Yesu eŋe koso edange, “Kaisale eŋe mikepka ŋei so ŋerep ma wakonotki paki, erane ra more ŋadino Qezarek Naso yewa baŋ motke. Qezarekŋo mawakongi paki, ŋei so ŋerep mi ma wakonge, naso yewaŋo ŋei ŋerep qesiŋ osiyakane motke. Me naso yewaŋo ŋei ŋerep matali osiyakane mi motke.

Mat mo ŋei ŋerep edo watke warekoi wane eŋe dalino Yesu wane osino ma waurap. Ŋaŋae more, tiriwoka teweke wa mat bakino Yesu metke kutnoken yewa kito barake more ŋei etke so etke eŋe mulapkoka mau qoroŋ qoroŋ ket zoma ŋei eya teweinerop Yesu wane osino rasu pake.

Eya wane ŋine na detluk nanbi, na Ŋei Wawainane Gipole. Na nae tunno kepeo ŋei ŋerep eŋane sotene eyamo qeligewe siukwaremaike.” Yesu eŋe yale ra more, zoma ŋei olale rake, “Wiye, uwamŋone ma more matŋono arinom!”

Na zoma ŋei yewa don ewekine dalino yale olasikale? Na olale raikale, na sotŋone mo qeliŋgewe siukmaike, me ge wiye menage more uwamŋone ma more arinom?

Pakiso, zoma ŋei yewa eŋe ŋei ŋerep eŋane kaiteno ikopka wiye more, uwamine rutupke more, kolopke ket arike. Pakiso ŋei ŋerep eŋe korop oŋaene qaeki Kaisale wane eŋetine ora bukeu waki rakoi, “Sogino kine kine mane iwa yaline mi kakone, i midakaka!”