Popular Bible Verses from San Juan 13

Share

Ie mamare chʉ̃'ʉ jo'kamʉ chʉ'ʉ mʉsanʉkonare: Sãiñechi'a oijʉ pa'ijʉ̃'ʉ. Chʉ'ʉ mʉsanʉkonare oicheja'che mʉsanʉkona ũcuaja'che sãiñechi'a oijʉ pa'ijʉ̃'ʉ. Mʉsanʉkonapi sãiñechi'a oijʉ pa'ito pãipi ñani ũcuanʉko, “Jesús neenaa'me ina”, chiijanaa'me —chiisi'kʉa'mʉ repaʉ Jesús chʉkʉna'te.

Mʉsanʉkonare paakʉta'ni cũ'a choakaisi'kʉa'mʉ chʉ'ʉ. Jã'ajekʉna mʉsanʉkona ũcuaja'che chʉ'ʉ cho'osi'eja'che sãiñechi'a cho'okaijʉ pa'ijʉ̃'ʉ. Mʉsanʉkonapi ña chẽa cho'ojʉ paapʉ chini cho'o ñocuhasi'kʉa'mʉ chʉ'ʉ mʉsanʉkonare.

Chikʉna Jesús i'kasi'kʉa'mʉ. —Chʉ'ʉ chura cho'oche vesʉmʉ mʉ'ʉ. Na'a pa'isirʉmʉ masija'mʉ mʉ'ʉ —chiisi'kʉa'mʉ repaʉ.

Cho'oche'te rupʉ cho'okaaʉ chini chẽa paacojñokʉ repaʉ paakʉ'te na'a cajejaiche pa'ikʉma'mʉ. Saocojñosi'kʉ ũcuachi'a repaʉ'te saosi'kʉre na'a cajejaiche pa'ikʉma'mʉ. Ũcuarepaa'me jã'a. Mʉsanʉkona ũcuaja'che chʉ'ʉre na'a cajejaiche pa'inama'me. Jã'ajekʉna mʉsanʉkonare chʉ'ʉ cho'ocheja'che sãiñechi'a re'oja'che cho'okaijʉ pa'ijʉ̃'ʉ.

Mʉsanʉkonapi chʉ'ʉ i'kasi'ere asa chẽa cho'ojʉ pani pojojʉ pa'ijanaa'me.

Simón Iscariote mamakʉni Judare aperʉmʉ vati aipi repaʉ rekochona cu'ache chʉ̃'ʉasomʉ, Jesure cu'ache cho'ojanani jo'kaa'kʉ chini. Repaʉ Jesús Pʉka'kʉ Dios repaʉ'te raosi'ena'me repaʉ pa'icheja repaʉ jo'e saijachena'me pãi ũcuanʉkore chʉ̃'ʉa'kʉ chini Pʉka'kʉ repaʉ'te jo'kasi'e masiasomʉ. Jã'aja'ñe masikʉji chʉkʉna repaʉ neenana'me ãu ãiʉ ñu'isi'kʉpi vʉni repaʉ sẽ'sevʉ ju'ikãa tĩto repaʉ jiisaivʉna toalla kãapi quẽosi'kʉa'mʉ repaʉ. Quẽo pi'ni totore'avana oko ro chʉkʉna repaʉ neena cũ'are choa pi'ni ũcuakãapi jose tʉ'nesõkaisi'kʉa'mʉ repaʉ.