Popular Bible Verses from San Marcos 1

Share

Apeñatato ñami vʉni Jesús vʉ'ejoopo pa'isi'kʉpi eta pãi peochejana saniasomʉ, Dioni sẽsa chini.

Chʉ'vakʉ ija'che i'kaasomʉ repaʉ: —Dios chiisirʉmʉ Repaʉ Raosi'kʉ pãi ũcuanʉkore chʉ̃'ʉrʉmʉ tĩ'api'ramʉ. Jã'ajekʉna mʉsanʉkona cu'ache cho'oche'te ũhasõ mama cuasa, “Dios chʉ'o ũcuarepaa'me”, chiijʉ asa chẽa cuasajʉ̃'ʉ —chiiʉ paniasomʉ Jesús.

Okoroʉna Jesús chiacha nʉkasi'kʉpi po'ore mani nʉkakʉna cʉnaʉmʉ teana re'ojaʉmʉ care'o Dios Rekocho ũkupoja'iʉ ũcuaʉni cajekʉna ñaasomʉ. Dios Rekocho cajesirʉmʉ cʉnaʉmʉpi ija'che i'kache asoasomʉ: —Mʉ'ʉ chʉ'ʉ chĩi chʉ'ʉ oiʉ paakʉ'mʉ. Mʉ'ʉre rʉa pojomʉ chʉ'ʉ —chiiche asoasomʉ.

Chʉ'ʉ mʉsanʉkonare okopi okoro'vecuhamʉ. Repaʉta'ni na'a rʉa masiʉjekʉ rʉa masicheji cho'okʉ Dios Rekocho'te ĩsija'mʉ repaʉ mʉsanʉkonare —chiniasomʉ repaʉ.

Repanare Jesús ija'che i'kaasomʉ: —Rani chʉ'ʉni ja'me ku'ijʉ chʉ'ʉ chʉ̃'ʉñe'te cho'ojʉ pa'ijʉ̃'ʉ. Va'i sani va'ire jñaa ranaa'me mʉsanʉkona. Chura chʉ'ʉpi cho'okaiʉna sani pãire jñaa chʉ'ʉni rakaijʉ pa'ijʉ̃'ʉ —chiniasomʉ Jesús repanare. Jã'aja'ñe i'kaʉna asa teana va'i chorʉã jo'ka ũcuaʉna'me saniasome repana.

Repana pãi Jesupi rʉa masikʉ masi che'chokʉna asa jñano, “Ikʉ Jesús judíopãi che'chona che'chocheja'che che'choma'ñe rʉa masi che'chomʉ”, chiniasome.