Popular Bible Verses from Génesis 41

Share

José faraṍrẽ yʉꞌticʉ niwĩ: —Aꞌtere yʉꞌʉ mejẽta weremasĩsaꞌa. Wiogʉ, aꞌtere Õꞌacʉ̃ peꞌe mʉꞌʉrẽ añurõ waꞌadutigʉ, mʉꞌʉ quẽꞌeꞌquere “Tojo nisĩꞌrĩrõ weeꞌe” ni weregʉsami, nicʉ niwĩ.

Tojo weegʉ faraṍ aꞌtiro nicʉ niwĩ: —¿Marĩ apĩ ãꞌrĩ weronojõ nigʉ̃rẽ bocarãsariba tja? Cʉ̃ Õꞌacʉ̃ wãcũsere cʉomi, nicʉ niwĩ.

Beꞌro Joseré faraṍ nicʉ niwĩ: —Mʉꞌʉ weronojõ apĩ añurõ tʉꞌomasĩgʉ̃, masĩse cʉogʉ marĩmi. Õꞌacʉ̃ mʉꞌʉrẽ aꞌte masĩsere oꞌoapĩ. Ya wiꞌire dutigʉsaꞌa. Nipeꞌtirã yarã masã mʉꞌʉ dutisere yʉꞌtirãsama. Yʉꞌʉ niꞌcʉ̃ta mʉꞌʉ nemorõ nigʉ̃saꞌa. Wiogʉ waro nitjĩagʉ̃, tojo nigʉ̃saꞌa.

Beꞌrocjʉ̃rẽ Efraĩ́ wãme õꞌocʉ niwĩ. “Õꞌacʉ̃ Egipto yʉꞌʉ piꞌetiꞌcaropʉ põꞌrãticã weeami” nígʉ̃, tojo wãme õꞌocʉ niwĩ.

Masã maꞌmirẽ Manasés wãme õꞌocʉ niwĩ. “Õꞌacʉ̃ yʉꞌʉre nipeꞌtise yʉꞌʉ piꞌetisere acobojocã weemi. Tojo nicã nipeꞌtirã yʉꞌʉ acawererãrẽ acobojocã weemi” nígʉ̃, tojo wãme õꞌocʉ niwĩ.