Popular Bible Verses from San Juan 8

Share

Niꞌcãti Jesú masãrẽ buꞌégʉ, aꞌtiro niwĩ: —Yʉꞌʉ aꞌti nucũcãcjãrãrẽ sĩꞌose weronojõ niꞌi. Yʉꞌʉre siruturã naꞌitĩꞌarõpʉ nirã́ weronojõ nitima. Yʉꞌʉ na meꞌrã ninuꞌcũꞌu. Na deꞌro weeatjere ĩꞌoꞌo. Tojo weerã añurõ nisetimasĩma.

Diacjʉ̃cjʉ̃rẽ masĩrãsaꞌa. Cʉ̃rẽ masĩrã, mʉsã ñaꞌarõ weesere dutigʉ doca nisome.

Jesú judío masã cʉ̃rẽ ẽjõpeorãrẽ aꞌtiro niwĩ: —Mʉsã yʉꞌʉ buꞌesere yʉꞌtirã, yarã waro nirãsaꞌa.

Yʉꞌʉ Õꞌacʉ̃ macʉ̃ mʉsã ñaꞌarõ weese doca nimiꞌcãrãrẽ yʉꞌrʉweticã weegʉ aꞌtiwʉ. Tojo wééca beꞌro diacjʉ̃ta mʉsã yʉꞌrʉonoꞌcãrã nirãsaꞌa.

Na cʉ̃rẽ sẽrĩtiñaꞌduꞌuticã ĩꞌagʉ̃, cʉ̃ wãꞌcãnʉꞌcã, narẽ niwĩ: —Mʉsã waꞌteropʉ noꞌo nigʉ̃́ ne niꞌcãti ñaꞌarõ weetigʉ, ʉ̃tãgã mii, core doquenʉꞌcãña.

Jesú narẽ niwĩ: —Diacjʉ̃ta nigʉ̃ti. Nipeꞌtirã ñaꞌarõ weerã́ na ñaꞌarõ weesere duꞌumasĩtirã, te doca niwãꞌñasama.

Cʉ̃ wãꞌcãnʉꞌcã, co niꞌcõrẽta ĩꞌagʉ̃, niwĩ: —Mʉꞌʉrẽ weresãrã waro ¿noꞌo waꞌati? Mʉꞌʉrẽ “Ʉ̃tã meꞌrã doquewẽjẽrõʉaꞌa”, ¿nitiati? Co cʉ̃rẽ niwõ: —Nitiama. Jesú core niwĩ: —Yʉꞌʉ quẽꞌrã mʉꞌʉrẽ “Buꞌiri daꞌreroʉaꞌa”, niweꞌe. Waꞌagosaꞌa. Apaturi ñaꞌarõ weenemoticãꞌña, niwĩ.