Popular Bible Verses from ЭКЛЕЗІЯСТ 7

Share

Ня будзь хуткі да гневу ў духу тваім, бо гнеў жыве ў заўлоньні дурняў.

У дзень добры карыстайся з добрага, а ў дзень ліхі ўбач, што адно зрабіў Бог насупраць другога, так што не знойдзе чалавек, што будзе пасля яго.

Лепш канец справы, чым яе пачатак, лепш павольны [на гнеў], чым фанабэрысты.

Бо няма на зямлі чалавека праведнага, які робіць дабро і не грашыць.

Бо ў ценю мудрасьці як у ценю срэбра; і карысьць веданьня [ў тым, што] мудрасьць дае жыцьцё таму, хто мае яе.

Лепш [добрае] імя, чым добры алей, і [лепш] дзень сьмерці, чым дзень нараджэньня.

Лепш чалавеку слухаць дакараньні мудрага, чым слухаць сьпеў дурняў.

Лепш ісьці ў дом жалобы, чым ісьці ў дом сьвяткаваньня, бо там — канец кожнага чалавека, і [чалавек] жывы складае гэта ў сэрцы сваім.

Сэрца мудрых — у доме жалобы, а сэрца дурняў — у доме радасьці.