Popular Bible Verses from Luke 14

Share

Sifo eni evetu genembo digarigo Iesu de ise, nu jovereghe nemokena eminge sisira, “Mave nanda ambo jimbi ari kotarira amo, nunda noi numamo, nunda noaro a ghaguru, nunda nano namendi, nunda ai ghasovu, a tofo nunda uju ava imboe use, nanda uju avanembo arira aimi, nanda ambo jimbi nune arira.

Mave nanda amboda fuse, nandae sedo ambari dae oju arira amo, nu jo nanda ambo jimbi ae arira.

Ainda beká mo: mave tofo nunda javo jighari erarira amo, nu foa ambokena arira. O mave nu tofo fitari vosarira amo, amboda natofoi fitoro nu vitarira,” Iesu natofokena aminge sisira.

Kau daba aminga ava, ni nanda ambo jimbi ari dae saresa amo, ni giti kotaresa, ‘Na fisi da uju a nanda gugua isambu kote dodo Iesu da ambo jimbi arena amo, inono arira, ai tefo?’ aminge kotaresa.”

Mave kambo itari dae sarira amo, nu giti anumbedo, nunda moni inono arira, ai tefo, ava tegarira. Nu itari dae tuturo edo, tutumbi darari, nunda moni daiva arira amo, evetu genembo nu dere jise eminge sarera: ‘Givu! Genembo omo kambo itari tuturo etira, avata nunda moni daiva etira,’ sarera.

Ni kirumo ari saresa amo, makasi embo, evetu genembo daguna, diti digoide ava aghi aso furarera! Ainda beká mo, evetu genembo amo, ni amingaresa ainda mino, ne jo ae arera. Amingaresa aindae, evetu genembo eveva ambarida ghe jebuge erarera ainda sifoda, God ni esimbuguse, ninda mino mutarira,” aminge sisira.

“Karaje nu roera evevagori. Avata karaje sasaka e tive janje dadabarira amo, nu amboda jo aoro sekago jovereghe foa karaje ae arira. Ava sedo fugarera. Kau daba aminga ava, nenda ari eko dotutuseva ava, sekago tuturo edo use God doyareva amo, evetu genembo jo foama nemokena sonemba a eveva eni bae arera. Geka emo, ne dengoro jave ningido, kote gogoghombevu!” aminge sisira.