Popular Bible Verses from Luk 23

Share

Jisọs onenikup me inyọn̄ uti nkwurieen̄ ya iriaak uriaak ibe, “Ute, tele nyi ema, mije, ema kperiọọn̄ inu ema ekirọ.” Ebi akọn̄ cha enenikup me ere ya iroon̄ nriroon̄ isa iche ofọnti kè Jisọs inyi lek kiban̄.

Jisọs ofọfọọk ọmọ ibe, “Me atikọ, cherekeyi, owu melek n̄a mêkup me Paradais !”

Ogwu enerieen̄ ya onenitumu inyi Jisọs ibe, “Jisọs, keek emi mgbọ owu mômọnọbe irek ubọọn̄ kwun̄.”

Jisọs otataan̄ ukpo itumu ibe, “Ute, nkana ekwukwu n̄a itap owu me ubọk.” Ikọ yi itata ọmọ me otu, ifufuuk òta efuuk, mè itọbọ.

Mgbọ ema erebe ere ekigwen “Ngigọ Ibot Ene,” ema egogon Jisọs me uti nkwurieen̄, mè igon si ebirieen̄ iba cha igbaalek kan̄, ene ge me agan̄ ubọk ulom kan̄, ene ge me agan̄ ubọk ujit.

Me ike mgbọ yi, òfuk-mgbọ îsulu akọp mè iba eyi ejit ikarek. Utoon̄ ura ochechep, uga udun okakana otutuuk ido ya ichit bùk, mè ikup ikeya mege ire mgbọ òfuk-mgbọ osulube ita eyi ikarek. Ekwut esabe ifieek ikwek Ere Mbuban me Uwu Mbuban otọtọbọ ibum iba, ibene me inyọn̄ inire ijọn̄.

Mgbọ ogwu ibot akọn̄ òkup me ere ya omun̄be inu ya òrọrọ, itọtọn̄ Awaji, mè itumu ibe, “Me atikọ, ogwu enerieen̄ yi ìre ogwu ata irọrọ!”