Popular Bible Verses from TAUNET 25

Share

Ak ki leenji Kamuktaindet ne Toroor, “Miitei moeng'ung' pororyosyek aeng'u, ak tuun pcheegei pororyosyek chu aeng'u punu moeng'ung'; kimitu pororyet age kosiir age; ak koot ne oo ne ming'in.”

Koleenji anyun `Esau Jakobo, “Kaigai, koono aam amitwogichu piriireen amu kaatanui!” Ki kiguure kainennyi anyun Edom amu nooto.

Ki riirchi `Isak Kamuktaindet ne Toroor miising' agobo kwondonyi, amu kisoon. Ki kasyi Kamuktaindet ne Toroor riirekyik ak ki manach Rebeka kwondonyi.

Kole Esau, “Keero, neegit ame; tos tilei nee eng' anee etunateet ne po sigeet?” Ak ki leenji Jakobo, “Iyosyeiwo rani.” Ak ki iyasyechi anyun ineendet ak ki aldochi Jakobo etunatennyi ne po sigeet.

Kingo pata nooto kesich ng'eetap kamet ne kinamonu kwaryatap Esau; ki kiguure kainennyi Jakobo. Ki po Isak kenyiisyek tamanwogik lo ye kingo sichei kwondonyi lagochooto.

Ki chamei `Isak Esau, amu ki amei panyeek che ki ibune logeet, ago ki chamei `Rebeka Jakobo.