Popular Bible Verses from JOHANA 17

Share

Itiliil icheek eng' imanit: imanit ng'olyoondeng'ung'.

Ak ni saboondap koigeny, ale konain Kamuktaindet ne inyeendet inyegei ne po iman, ak Jeso Kristo, ne ki iyoogu.

Amasaae agobo chu kityo, ago asaae agobo icheek che tuun iyana amu ng'olyoonnywa; si kobiit koek icheek tugul agenge; ko uu ye imi inyee Abba, eng' anee, ak anee eng' inyee, si kobiit kotep icheek eng' acheek: si kobiit koyan ng'wony kole ki iyookwo.

Masaae ale imut icheek eng' ng'wony, ago ale iriip icheek eng' ineendet ne ya.

Ak kaagoochi icheek toroornatet ne ki igoono; si kobiit koek agenge ko uu ye ki agenge acheek; anee eng' icheek, ak inyee eng' anee, si kobiit koek icheek che ititaatiin eng' agenge; si kobiit konai ng'wony kole ki iyookwo, ak ichame icheek, ko uu ye ichama.”