Popular Bible Verses from LUKA 10

Share

Ogeero, kaagoonok kamuget si kobiit otyech erenook ak melmelwek, ak oterter kimnateet tugul ne po puunyoot; ak ma mi kiy ne imuuchi kong'emak.

Ago ki wolji Kiptaiyat koleenji, “Marta, Marta, igereeri met ak iimige agobo tuguuk che chaang': ago kiit agenge ne kemachei: amu kagolewen Maria kebeberta ne myee, ne ma kirebe.”

Ak ki wolji ineendet koleenji, “Cham Kiptaiyat Kamuktaindet ne Toroor neng'ung' eng' muguleldang'ung' komugul, ak eng' saboondang'ung' komugul, ak eng' kimnateng'ung' komugul, ak eng' ng'omnateng'ung' komugul; ak icham chiitap kokweng'ung' ko uu ye ichamdoige.”

Ago ki leenji icheek, Oo kesisyet ago ng'ering' kesik: nooto anyun osoom Kiptaiyat ne po kesisyet, si kobiit koyookyi kesik kesisyennyi.

Eng' chuuto somok, ileen ng'oo ne ki ek chiitap kokwennyi eng' chiichooto kituiye rebiik?” Ak ki le, “Ineendet ne kirireegei chiichooto.” Ak ki leenji Jeso, “Ui, iyai ko uu nooto.”

Oba: ogeero kaayooktok ko uu aaregap keechiirek eng' kwenutap suik.