Popular Bible Verses from LUKA 3

Share

Ak ye kingo kagibatisan piik tugul, ak ko kagibatisan Jeso agine, ak ye ki saaei, koyaatak kipsengwet, ak kochoorchigei ineendet Kabuuset ne Tiliil, eng' kergeindap cheptuget, ak komang'une kutit kipsengwet kole, “Inyeendet ko ii Weeriinnyu chamanennyu; agasenengei.”

kowolji Johana icheek tugul koleenji, “Abatisanook eng' peek iman; ago nyoonei ineendet ne kiim kosiiro, ne ma nyoljino atyach anoogap kweonikyik. Ibatisanook ineendet eng' Kabuuset ne Tiliil ak maat.

Oii anyun logoek che nyoljin siguunet, amotau omwa eng' mugulelwekwok ole, ‘Kitinyei kwandanyo Abraham’; amu amwaiwok ale, eng' koichu komuuchi Kamuktaindet kong'eetyi Abraham lagok.

Agot nguno ko kaginde aiywet tigitigap keetiik: nooto anyun, keetit age tugul ne ma iyei logoek che myach, keebei, ak kewiirchi ma.”

ko uu ye ki kisir eng' bukuitap ng'aleegap maotyot Isaiah, keele, “Kutitap chii ne ititeni eng' surkwen koleen, ‘Ochop ooreetap Kiptaiyat, olitiit ole punooti. Tuun kilong'u atebweet age tugul, ak tuun kiribribi tulweet age tugul ne oo ak ne ming'in, ak tuun kilititi che kunuuren, ak kichaboi ortinwek che sing'ortot; ak tuun keerei piik tugul yetunetap Kamuktaindet.’ ”