Popular Bible Verses from Isis 3

Share

Awaji ofọfọọk Mosis ibe, “Emi Ìre Ogwu Nrebe. Tumu nyi ebi Ijeren ibe ke ‘Emi Ìre Ogwu Nrebe’ oria owu inu me lek kiban̄.”

Okumugwem otutumu inyi Mosis ibe, “Emi mâkup melek kwun̄. Mgbọ owu osisa ebi Ijeren isibi me Ijipiti, enyi mêtọbọ ebum inyi Awaji me inyọn̄ ogoon̄ keyi eyi owu okimun̄. Eyi obore inu ijejeen̄ inyi owu ibe ke îre emi nria owu.”

Okumugwem obebe ọmọ, “Kaje ìgbet! Wọọk ikpukot òkup owu me ukot san̄a, mije, ijọn̄ ere okekebe ya, ijọn̄ mbuban ke îre.”

Okumugwem otutumu inyi ọmọ ibe, “Me atikọ, emi nra imun̄ tukutuku ebi n̄a ekibọkọ me Ijipiti. Nra inọ si ida ito ema ekito me irak ikpele ufialek ebi ìkitọ ikwaan̄ me nnaan̄ cha ekinyi ema. Ukwook ema ekimun̄ îjot emi chieen̄. Mije keya ke nsibi inu inenisan̄a ema isibi me ubọk ebi Ijipiti, mè ikpulu ema isibi me ijọn̄ Ijipiti isa ifo inyọn̄ ijọn̄ ònwọnwọn, mè ita ema lek, ata ijọn̄ òkisibi anam mè mfut uti, òrere ijọn̄ ebi Kenan, mè ebi Et mè ebi Amọ, mè ebi Pereji, mè ebi Ifi, mè ebi Jebus.

Ogwu osat Okumugwem okakana isibi me isi kè Mosis, me emen alọm ukan̄ me lek gwun̄ uti ge me ere ya. Mosis îmun̄ ike ukan̄ okisak me lek gwun̄ uti ya, ire, ukan̄ ya ìkataka uti ya.

Eya orọ, mgbọ keyi, mâniria owu isi lek ogwu Fero. Owu môsi isan̄a ebi n̄a, ebi Ijeren, isibi me ido Ijipiti.”