Popular Bible Verses from KATASSURAN 2

Share

Naperangiimi Puang Matua tu sarrona tau iato mai, sia Nakilalaimo tu basseNa sola Abraham, Ishak na Yakub. Natiromi Puang Matua tu to Israel sia Nakilalai.

Masaipa alla’na to namane mate tu datu Mesir; iatu to Israel tontong bang sumarro belanna magasa pa’diamanna sia silallakan, naurunganni iatu pengkamoyana diona pa’diamanna rampomo lako oloNa Puang Matua.

Iatonna kapuamo tu pia iato nasolammi lako anakna baine datu Firaun, naala anakki, nasangai Musa, nakua: Belanna kuangkaran diong mai to’ uai.

Ma’kadami tu anakna baine datu Firaun lako, nakua: Solanni te pia mupasusuanna’, angku benko saromu. Nabaami tinde baine tu pia iato anna pasusui.

Mengkalaomi tu anakna Firaun la mendio’ diong salu; na iatu mai baananna baine sumalong lu lako lu dio mai dio biring salu Nil; ta’kala natiromi tu toban tille lan to’ marrang, anna suai tu baananna male unnalai.

Den sangallo tonna kapuamo tu Musa, tassu’mi namale lako mintu’ sangsiuluranna, natiroi tu mintu’ pa’diamanna tau iato mai; natiromi tu misa’ to Ibrani dio mai mintu’ sangsiuluranna nabamba misa’ to Mesir. Messailemi tu Musa lu lako lu dio mai; iatonna tiroi tae’ sia tau, napateimi tu to Mesir iato, nabunii tu batang rabukna diong to’ bungin.