Popular Bible Verses from KATASSURAN 20

Share

Akumo PUANG, Kapenombammu, tu ussolangko sun lan mai tondok Mesir, dio mai inan munii dipokaunan. Da’ naden kapenomban senga’ dio oloKu.

Da’ mugaraga rapang-rapang dipodeata dipa’, sia rapang-rapang apa dao lu langi’ ba’tu apa dao kuli’na padang nasambo langi’, ba’tu apa diong to’ uai diongna lu lino. Da’ mutukku umpenombai sia da’ mupengkaolai, belanna Akumo PUANG, Kapenombammu, Kapenomban manoka ditimba oloNa, tu umpapakkanni kakelokanna mintu’ ambe’ lako anakna, sae lako osso’ ma’pentallunna sia ma’penna’pa’na tu mintu’nato ungkabiri’Na’

Kasiri’i tu ambe’mu sia indo’mu, anna dipamalambe’ tu sunga’mu lan tu tondok Nakamaseangko PUANG, Kapenombammu.

Pengkilalai tu allo katorroan, ammu pamadatui

Da’ musa’bu’ punala bangi tu sanganNa PUANG, Kapenombammu, belanna tae’ Nabilang maseroi PUANG dio mai kasalan tu to ussa’bu’ punala bangi tu sanganNa.

annan allona la munii mengkarang sia ungkarangi tu mintu’ pengkarangammu; apa allo ma’pempitu iamo allo katorroanNa PUANG, Kapenombammu, allo iato da’ mumengkarang, la iko, la anakmu muane, ba’tu anakmu baine, ba’tu solamu muane, ba’tu solamu baine, ba’tu patuoammu, ba’tu to sae tu torro lan kotamu.

Da’ mukailui banuanna padammu ma’rupa tau, da’ mukailui bainena padammu ma’rupa tau, ba’tu solana muane, ba’tu solana baine, ba’tu sapinna, ba’tu keledainna, ba’tu barang apanna padammu ma’rupa tau.

Da’ musa’bi tang tongan lako padammu ma’rupa tau.

Da’mupasandak salu lako rampanan kapa’.

Da’mupapatean.

Da’ muboko.