Popular Bible Verses from KADADIAN 22

Share

Nasangaimi Abraham tu inan iato: PUANG umpadenni. Iamoto anna sae lako totemo nakua tu tau: Dao buntu Nanii PUANG la umpadenni.

Ma’kadami Puang: Totemo alai tu anak tungga’mu, iamo Ishak tu mupakaboro’, solanni lako tana Moria, ammu pemalaranni dio la mendadi pemala’ ditunu pu’pu’ dao misa’ buntu, tu la Kupakitangko.

Ma’kadami tu Malaeka’ Nakua: Da mupata’pai lima tu pia, sia da mupatumba lenni, apa Kuissanmo totemo tu kaungkatakurammu Puang Matua, belanna ia duka ia tu anakmu, anak tungga’, tae’ ammu pessinampei lako Kaleku.

Mebalimi tu Abraham, nakua: E anakku, Puang Matua Ia umpadenanni Kalena tu anak domba la ditunu pu’pu’. Malemi sola duai.

manassa la Kubenko karongkosan kapua sia la Kupopemba’ka’ kalle-kallean tu bati’mu pada bintoen dao langi’ sia pada karangan dio biring tasik, sia la nalapa’ nasang bati’mu tu babanganna ualinna. Anna lan mai tarukmu la nanii unnappa’ karongkosan mintu’ bangsa lan te lino, belanna mupengkaolai tu kadangKu.

Pakalan denmi pissan, iamo tonna mangka tu mintu’nato, Natobami Puang Matua tu Abraham, Nakua lako: E Abraham! Ma’kadami: Inde siana’, Puang!

Apa metamba lako kalena tu malaeka’Na PUANG dao mai suruga Nakua: E Abraham, Abraham. Mebalimi nakua: Inde siana’, Puang!

Metamba ma’penduannami tu Malaeka’Na PUANG dao mai langi’ lako Abraham. Nakua: UmbasseNa’ kada ussa’bu’ Kaleku, kadanNa PUANG: tu belanna mupogau’ te iannate sia tae’ ammu pessinampei lako Kaleku tu anakmu, iamotu anak tungga’mu

Rampomi lako inan mangka napokadanni Puang Matua, anna garagai Abraham tu misa’ inan pemalaran, napalangnganni tu kayu anna pungoi tu Ishak, anakna, napandanni dao inan pemalaran daona lu kayu.