Popular Bible Verses from KADADIAN 37

Share

Ma’tindomi tu Yusuf misa’ tindo anna pokadai lako siulu’na, mandu pissanmi nasikabiri’i.

Iatu Yusuf mandu napakaboro’ Israel na iatu mintu’na anakna, belanna iamo dadi tonna matuamo, napopegaragammi bayu lamba’ ma’borong-borong.

Tonna tiroi siulu’na, kumua mandu napakaboro’ ia ambe’na, na iatu mai siulu’na nasikabiri’imi, tae’ napa’kadai meloi lako.

Ma’tindo poleomi misa’ tindo senga’ anna pokadan siaoi siulu’na nakua: Ma’tindo poleomo’ misa’ tindo, dikua iatu allo sia bulan sia sangpulo misa bintoen tukku lako kaleku.

Nakemburumi siulu’na, apa iatu ambe’na napalan penaa bang tu iannato.

Ma’kadami tu Yusuf lako nakua: Perangiri kamu te tindo mangka kupa’tindo. Dikua marassanki’ dio lu bela’ manguyun gandung, bangunmi tu panguyunku anna bendan, anna sae tu panguyunmi untalimbungi sia tukku lako panguyunku.

Iamoto malekomi mai anta patei sia ba’tu umbanna te bubun misa’ tanii umpembuanganni rokko, anta pokadamira kumua: mangka nakande olo’-olo’ masuru tatiroi umba nakua dadinna tu tindona.

Iatonna lendu’ tu to Midian diriu’mi tu Yusuf diong mai bubun anna dibaluk lako to Ismael duangpulo sikele’. Nabaami tau iato tu Yusuf lako Mesir.

Sipa’kada-kadami: Tiromi tu to pa’tindoan saemo.

Iatonna tiro mambelami sia iatonna tae’pa narampo lako sipa’kadami sola nasang undaka’ tangnga’ la umpatei.

Sia nakuapa tu Ruben: Da mipatibollo rara, parokko bangi misa’ bubun lan te padang pangallaran sia da mipata’pai lima. Ia sia nama’kada susito tu Ruben kumua anna rampananni tu Yusuf anna solanni sule lako ambe’na.