Popular Bible Verses from YOHANES 1

Share

Apa padami tau untarimaI, iamo Naben kuasa la mendadi anakNa Puang Matua, tu to ungkanappa’i tu sanganNa

Tempon mulanna naden tu Bisara, na iatu Bisara siayoka Puang Matua, sia iatu Bisara Ia bangsia Puang Matua.

Parrang lan kamalillinan tu arrang iato, anna tae’ nataloi kamalillinan.

Mentolinomo tu Bisara, sia tongkon tau matamo tasisolan sia kitiromo tu kamala’biranNa, susi kamala’biranNa Anak misa dio mai Ambe’, ponno kamaturu-turuan sia kamanapparan.

Mintu’na angge maritik dipadadimo tete dio Kalena, iake tae’i na Ia tae’ duka misa’ dadi tu mintu’na dadinnamo. Ia oto’na katuoan, anna iatu katuoan iamo arrangna tolino.

Tonna masiang to nakitami tu Yesu sae lako kalena nakuami: Tiromi tu Anak dombaNa Puang Matua, tu ussarapai kasalanna issinna lino.

Lanmo lino sia mangka Napadadi te lino, apa tae’ natandai lino. Saemo umpellambi’i apanNa, apa to Napotau ia tu ungkanokaI.

Iatu manassana arrang tu unnarrang mintu’ tau, mane sae tama lino.

Belanna napa’benganmo Musa tu Sukaran aluk, apa iatu kamaturu-turuan sia kamanapparan Napaombo’ Yesu Kristus.