Popular Bible Verses from YOHANES 16

Share

Mintu’nate kupokada lako kalemi, kumua misiria kamarampasan ussisolanNa’. Lan te lino umperasaikomi kamaparrisan; apa pabatta’komi penaammi, belanna Aku te mangkaMo’ untaloi te lino.

Apa ianNa sae Ia, Iamotu Penaa Kamanapparan la Nalalankomi lako mintu’na kamanapparan belanna tae’ Nama’inaanna kalena ma’kada-kada, sangadinna iatu Naranginna ia dukamo Napokada; sia Napa’peissanan lako kalemi tu mintu’na apa la dadi.

Sae lako te totemo tae’ bangpa mipalaku apa tete dio sangangKu. Palakumi, ammi appa’i, nasundun tu kaparannuammi.

Apa iate Aku te tonganna tu Kupokadangkomi kumua: Den gai’na lako kalemi, ke maleNa’; belanna iake tae’i Kumale, tae’ nasae lako kalemi tu Panglalan; apa iake maleNa’ la Kusua sae lako kalemi. IanNa sae Iamo la umpamanassai lako issinna te lino tu diona kasalan sia kamaloloan sia ukungan

Susi kamu inang masussa misa’ding totemo te; apa la Kusitiroan pole’komi, anna parannu penaammi, na moi misa’ tau tae’ umbelai unnalai dio mai kalemi tu kaparannuammi. Sia iake allo iato moi misa’ tae’mo mipekutanan lenni lako Kaleku. Tonganna tongan Kukua mati’, iake umpalakukomi ba’tu apa-apa lako Ambe’, la Napa’kamasean lako kalemi tete dio sangangKu.

Tonganna tongan Kukua mati’, kumua la tumangi’komi sia umbating, apa iatu issinna te lino parannu; iate kamu te la masussakomi, apa iatu kamasussammi la membali kaparannuan.