Popular Bible Verses from LUKAS 10

Share

Tonganna denmo kamatotorammi tu mangka Kubenkomi la ullese ula’ sia sando sia la misau’ tu mintu’ kamatotoranna uali, sia tae’mo apa la umpatumba-tumbakomi.

Mebalimi Yesu lako, Nakua: E Marta, Marta, masussa bangko iko sia buda tu nakita penaammu. Apa sidi’ri ba’tu sanguluanri tu denna gai’na. Na iatu Maria napileimo tu melona tu tang la dialanna dio mai kalena.

Mebalimi tinde tau nakua: La ponno penaammu sia mintu’ kamatotorammu sia mintu’ tangnga’mu sae lako deatammu la ungkamali’ Puang Kapenombammu sia la ungkamaseiko padammu to lino susi batang kalemu.

Nakuami lako: Tonganna buda tu bura padang, apa sidi’ri tu to ungkasara’i, dadi palakui langngan Puang ampunna bura padang, anNa sua tau ungkasara’i tu bura padangNa.

Umbanna misanga tinde tau sola tallui tu padanna ma’rupa tau lako tu to nadammak pa’gora’? Nakuami: Iamo ia tu to umpa’pekitanan mamasena lako. Nakuami Yesu lako: Malemokomi mipogau’i susito.

Malemokomi! Pengkilalai: Kusuakomi susi anak domba lako to’ guruk.