Popular Bible Verses from Luku 11

Share

Ọo ya bụ, ọ -bụru l'unubẹdua, bụ ndu ejo-iwhe l'amajẹ nụ ụnwu unu iwhe dụ ree ?ọ chianu Nna unu ono, bu l'imigwe ta akabadụanu ama gẹ l'oo-me nụ unu Ume-Dụ-Nsọ, mbụ unubẹ ndu sụru t'ọ nụ iya unu.”

O noo iwhe meru mu sụ unu: Unu kfujee t'a nụ unu iwhe; aa-nụ iya unu! Unu chọjee iwhe; unu l'a-chọta! Unu kụjee ẹka l'ụzo; aa-gụharu iya unu.

O noo l'iwhe bụ onye sụru t'a nụ iya bẹ l'aanụjekwa; onye chọru nụ l'a-chọtaje; onye kụru ẹka bẹ l'aa-gụharu ụzo.

Ọ sụ whẹ: “Nteke unu l'ekfu anụ Chileke t'unu sụje: “ ‘Nna, t'e dobe ẹwha ghu nsọ. Goshinu l'ọo ghu bụ eze.

Gụnuaru anyi nvụ l'iwhe-dụ-ẹji, anyi metagbaberu, nkele anyịbedua l'agụjekwaruwho onye mesweru anyi nvụ. Be ekwekwa t'anyi dalahụ l'iwhe l'a-data anyi.’ ”

Nụnu anyi nri mbọku lẹ mbọku, nri l'e-dzu anyi eriri l'ụboku.

Ẹnya ghu bẹ bụ oryọku, nọ l'ẹhu ghu. Nteke ẹnya doru ghu edo, ogwẹhu ghu abụkotaru íwhóró nkụchi, nteke bụ l'ẹnya te edodu ghu edo; ogwẹhu ghu abụkotaru ẹkpuroochi nkụchi.

“Ọ tọ dụdu onye l'anwụjeru ọku ye l'oryọku parụ iya je edobe l'azụ-ụtsulo, m'ọbukwanu onye ọbu apata ite kpupyabe iya. Oowojechiaru iya tukobe l'eli ẹka l'eedobeje oryọku nke ọwhu iwhe bụ onye batarụ l'ụlo l'a-nọ awhụ iwhoro iya.