Popular Bible Verses from Yoane 15

Share

“In na nepe purp̃es nen kilika, amiu na ape narin korowasneu lala. Naga nap̃a sikol e inu a nesikol e naga, naga ke nap̃a yoko kiena malena kilia war mras ve moki, vanon sa ve in re e amiu, tap̃atete nena akilia akila sur tai nap̃a po e marana ne Ntewa.

Amiu na korowasneu lala, monar ayakolkol ruru amiu e inu, a in na neyakolkol ruru nemio amiu. Visae korowas nen kilka ve yakol ruru re amio purp̃esia, tap̃atete war mrasa, a maran taaga ga amio amiu, visae ve ayakolkol ruru re amio inu, yoko kiamiu malena tap̃atete nena war mras napo lala.

Visae asu ruru m̃a e inu, a kiau visena to ruru m̃a e amiu, sur ya nap̃a sinemiun asape aviunia, akilia atolia.

Amiu pe apisa lologia in re poli asape nepe kiamiu, ana in na nepisa lologia amiu ape kiau, nepisirlar amiu vena ava awar mrasa e kiamiu malena lala, mras nap̃a sulue ga sike na rui. Ana pogos nap̃a ava ke sanene, sur ya nap̃a aviun e kiau kia van Ata nae ma peni, yoko naga la ga van amiu.

Pe sinesiena re si tai poli nap̃a po taulu na sinesiena nap̃a yar tai tam̃an kiena malena, mare vena tamalia kiena erau tai.

Naga pisuar ruru ke korowasneu lala, visae visu korowas tai nap̃a p̃ar re mras poli, naga telua, a visae visu tai nap̃a p̃ar mrasa, yoko kilavan ruruia vena war si mras ve moki.

A kiau navisaluaena maro tai nalaen van amiu sanini, sane amiu monar sinemiu sisii amiu lue ga, sa nap̃a in na sineu si amiu ke ne.

Popon amiu awar mras la ve moki e kiamiu malena lala, naga nene mesmesun kiau nalogena la asum̃a akila, a pe mrapa m̃ena nakilaen kia kiena ne Ata va manene laa metava.

Ana e pog nap̃a memial mepano, Yesu pisa ke sina ga visena p̃as pan imimi. Naga pisape “In na nepe purp̃es nen kilkerep nap̃a lelaga, a Ata naga pe yar na visuaren lokove na kilika lala.

Visae yar tai ve sikol re e inu, naga sane korowas tai nap̃a pimi mano pa rui, atelua awar akoven va e kapi, kapi kekania.

“Ana sur la nap̃a nepisa ke pan amiu, nemla pan amiu vena kiau nakekarena sike amio amiu, kila pupia kekarena tai nap̃a po na po kilia sulue ga amio amiu silaga.

“Visae auarar ruru kiau navisaluaena lala, akilia asum̃a loyum̃a e kiau nasinesiena nene, sa nap̃a in na nepuarar ruru ke pa rui navisaluaena kiena ne Ata, nesike pa loyum̃a e kiena nasinesiena rui.

Na nene kiau navisaluaena van amiu naga sanini, sane amiu monar sinemiu sisii amiu.”

Visae amiu ave sa ga yeririna na yomarava nini, yoko akekaran amiu ga, ana in na nekilologia amiu pa rui nesape aure vetan malena na yomarava nini. Kam na pe maran taaga re si sane kiena yar la poli, kila sane sinela kar amiu narui.