Popular Bible Verses from Luka 5

Share

Buna kamanisa yoluka, wukamba Simoni : —Kuesa nlungu kungingi nlangu, kuna kuidi thimpula bosi ngeyo ayi bakundi baku lozanu makondi meno mu diambu di luloba.

Vayi Simoni wumvutudila : —A nlongi, builu bumvimba tusedi vayi kadi kiasa tusia baka ko. Vayi sumbu wuthumini, ndieka loza makondi. Baloza makondi ayi babaka zimbizi ziwombo ; ayi makondi mawu tsatu makanzuka.

Vayi niandi wuyenda tinina mu bibuangu bisuama mu diambu kasambila.

Ndisia kuiza tela batu basonga ko vayi ndiyiza mu diambu di tela bankua masumu.

Bu kamona bobo, Simoni-Piela wufukama va malu ma Yesu ayi wunkamba : —Pfumu, bika wuthatukila bila ndidi nkua masumu.

Yesu wuba vutudila : —Batu bobo badi nitu yi buvini batombanga munganga ko. Vayi batu badi bimbevo bawu bantombanga munganga.

Bu bavutula minlungu miawu ku disimu, basia bika bibioso ayi balandakana Yesu.

Lumbu kimosi Yesu bu kaba mu divula dimosi, kuna kutotukila mutu wumosi wuba ayi buazi. Bu kamona Yesu, mutu beni wufukamava ntualꞌandi vayi wuyinika zizi kiandi mu tsi ayi wunleba : —A Pfumu, enati tidi buna wulenda kuaku kumvedisa ! Yesu wunonuna koko kuandi, wunsimba ayi wunkamba : —Nyinga, thidi, vedila kuaku ! Mu yina thangu, wuvedila mu buazi buandi.

Tsangu yi Yesu yiluta muangana. Diawu minkangu miwombo mi batu bayiza muingi banwa ayi muingi babelusu mu bimbevo biawu.