Popular Bible Verses from Ilu 31

Share

Ịma mma nke elu ahụ adịghị egosi ihe mmadụ bụ, nʼihi na ịma mma adịghị adịgide ogologo oge. Ma nwanyị ọbụla nke na-atụ egwu ONYENWE ANYị bụ onye e kwesiri ito.

Ọ bụ nwanyị dị ike, onye a na-asọpụrụ asọpụrụ. Ụjọ adịghị atụkwa ya maka ihe ga-eme nʼoge dị nʼihu. Ọ na-eji amamihe na-ekwu okwu ntụziaka kwesiri dịkwa nʼire ya.

Ọ na-agbasapụ aka inyere ndị ogbenye na ndị mkpa na-akpa aka.

Nwanyị nwere ugwu onye ga-achọtali ya? Ọ dị oke ọnụ karịa nkume rubi.

E kwesiri ito ya nʼihi ọrụ ọma niile nke aka ya rụpụtara. Ka ọrụ ya niile wetara ya otuto nʼọnụ ụzọ ama nke obodo.

Ụmụ ya na-ebili gọzie ya; otu a kwa di ya ga-eto ya ezi otuto.