Popular Bible Verses from Zaburi 63

Share

Ee Mungu, wewe ni Mungu wangu, nakutafuta kwa moyo wote; nafsi yangu inakuonea kiu, mwili wangu unakuonea wewe shauku, katika nchi kame na iliyochoka mahali ambapo hapana maji.

Kwa sababu upendo wako ni bora kuliko uhai, midomo yangu itakuadhimisha.

Nitakusifu siku zote za maisha yangu, na kwa jina lako nitainua mikono yangu.

Nimekuona katika mahali patakatifu na kuuona uwezo wako na utukufu wako.

Kwa sababu wewe ndiwe msaada wangu, chini ya uvuli wa mbawa zako naimba. Nafsi yangu inaambatana nawe, mkono wako wa kuume hunishika.

Kitandani mwangu ninakukumbuka wewe, ninawaza juu yako makesha yote ya usiku.