Popular Bible Verses from 1 Nya 16

Share

Mtakeni BWANA na nguvu zake; Utafuteni uso wake siku zote.

Mshukuruni BWANA kwa kuwa ni mwema; Kwa maana fadhili zake ni za milele.

Mshukuruni BWANA, liitieni jina lake; Wajulisheni watu matendo yake.

Jisifuni kwa jina lake takatifu; Na ufurahi moyo wao wamtafutao BWANA.

Zikumbukeni ajabu zake alizozifanya; Miujiza yake na hukumu za kinywa chake

Mwimbieni, mwimbieni kwa zaburi; Zitafakarini ajabu zake zote.

Kwa kuwa BWANA ni mkuu mwenye kusifiwa sana; Na wa kuhofiwa kuliko miungu yote.

Mpeni BWANA utukufu wa jina lake; Leteni sadaka, mje mbele zake; Mwabuduni BWANA kwa uzuri wa utakatifu

Heshima na adhama ziko mbele zake; Nguvu na furaha zipo mahali pake.

Mwimbieni BWANA, nchi yote; Tangazeni wokovu wake siku kwa siku.

Wahubirini mataifa habari za utukufu wake, Na watu wote habari za maajabu yake.

Akisema, Msiwaguse masihi wangu, Wala msiwadhuru nabii zangu.

Maana miungu yote ya watu si kitu; Lakini BWANA ndiye aliyezifanya mbingu.

Likumbukeni agano lake milele, Neno lile aliloviamuru vizazi elfu.

Mbingu na zifurahi, nchi na ishangilie; Na waseme katika mataifa, BWANA ametamalaki

Na ahimidiwe BWANA, Mungu wa Israeli, tangu milele hata milele. Na watu wote wakasema, Amina; wakamhimidi BWANA.

Mpeni BWANA, enyi jamaa za watu, Mpeni BWANA utukufu na nguvu.