Popular Bible Verses from Zab 51

Share

Ee Mungu, uniumbie moyo safi, Uifanye upya roho iliyotulia ndani yangu

Unirudishie furaha ya wokovu wako; Unitegemeze kwa roho ya wepesi.

Usinitenge na uso wako, Wala roho yako mtakatifu usiniondolee.

Dhabihu za Mungu ni roho iliyovunjika; Moyo uliovunjika na kupondeka, Ee Mungu, hutaudharau.

Ee Mungu, unirehemu, Sawasawa na fadhili zako. Kiasi cha wingi wa rehema zako, Uyafute makosa yangu. Unioshe kabisa na uovu wangu, Unitakase dhambi zangu.

Unisafishe kwa hisopo nami nitakuwa safi, Unioshe, nami nitakuwa mweupe kuliko theluji

Nimekutenda dhambi Wewe peke yako, Na kufanya maovu mbele za macho yako. Wewe ujulikane kuwa una haki unenapo, Na kuwa safi utoapo hukumu.