Popular Bible Verses from Jean 1

Share

Sannge bé kwlaa nga bé soo i nun bo bé lafi i su'n, o man bé katyi Nyanmien wa.

Nde'n wô le lalaa i sin nan Nyanmien a bô ninngé'm bé yile bô, Nde'n nin Nyanmien bé ô le, Nde so'n ti Nyanmien.

Ye i kpadyale'n kpadya lika'n b'o ti aôsin'n nun, aôsin'n wa kwla nuenmen.

Nde so'n katyii i wun swran, o nin é wa trannin, o ti aklunyéfue nin nanwlefue. É nieen i anyrunnyan'n, o ti anyrunnyan bo se Ba b'o ti kunngba'n i Si meon o ti su.

I ye Nyanmien man o yii ninngé'n kwlaaa, liké fi nu'an le bo nenh i ye o yilio. I sa nun ye nguan'n wôo, nguan so'n ti ke wia'n sa, o man swran'm bé wun asé.

Ke alie tyennin'n, Jean wuun Jésus o su be i wun le, o sé ke: Anh nian Nyanmien Bua Gbanflen'n b'o wa fe i wun yi men'n i ti te'n ye.

O ô men'n nun laa, i ye Nyanmien man o yii men nion, sannge menfue'm ba simen. O bee i bobo nvlé'n nun, ba so'e i nun.

Liké so'n ye man swran'm bé wun asé sakpaa. Ke o baa men'n nun'n, o man swran'n kwlaa bé wun asé.

Moïse ye Nyanmien man o fa mmla'n maan yéo, Jésus-Christ kusu ye o fa yé yôle'n nin nanwle'n balio.