Popular Bible Verses from Matyu 3

Share

Ti kukup tambal kaata ti kanu-bilipla, kabak-ali utamila, kipni aket fal-siki-lomdip ipni kukup mafak kaa, kulaabip kala kalon o.

alep iyo weng seliwa yi! abiil tikiin lo kawu, God ami weng ma tal bokolu kabak-ali boko-lomdu: Mep kaali ti nalmi Man aket-iip kemin, nami aket fanang uyo nali ami fiyaap-kup duubi no, kala bokoya weng sanip ko.

Jon ayo taba Yesus ami oksam ukola kem-salale, maak fak-daalin tap Yesus ayo ok tem kambola tiltam aba abiil tikiin uyo tem kalulu titam daalaya, God ami Sinik ayo awon Abim tap kela tildaak nami diim ayo abamna kala, kala-somdala

Kipni tunum talokoma no, kal-bom fenbip kaa, nita disa; kemin, kaali nasiik tilila, akal mulo kawu nami daang tem kawu talokoma. Kemin, ali kamokim dukum ke ata ata kela, nali kulaak banila, ata tam banin kala-somdiya fatom kep-nambu. Kemin, nali ti fan tunum kemin, nali taang-kalali yang ami miit tem kaa yang ilomdi ami yaan ilom kaa kulii-unomi dinim o. Ibi aket fal-sikilip kulaali, nali disa ok kulaata-kup kuluu-lomdi oksam ukayimbi. Nali disa ok kulaata-kup oksam ukayimbi. Katale, tunum kaa talokoma kaami almi Sinik Tambal ata dabaala taba-lomda kipni iipyak tem aket mafak fanang mafak dakabip uyo, as kuyak daala kiin abamnula, alik ibi tambal ke-lokomip ko.

Kemin, God ayo as miit tem kawu kaabaak ma kutii-lomda as ayo duulmon o keba. Kemin, as alik ibi dok kanolin kiita, as lap tambal ma abuulin disa kesip namti, duula-lom as kuyak daala kiin-taba unokomu no. Kemin ultap o, ipkal kukup tambal kaali, tabuulin dinim ke-lokomip kaali, God ata taba-lomda yam-kan tiilokoma no.

Siin sawaayak sawaayak kawu profet Aisaya ayo Jon ami sang kalaa Sukon Tem kabaku dolale bokola: Tunum ma, tunum dinim bokon kawu, naan-bamda bokola ko: Liip tambal ma talalmiwa, Kamokim ayo baan abiltap-kup talak o, kalala naanba kayi! kala Aisaya ata kanum boko dola kuyinsa. (Kemin, kabak-ami miit kaali, unang tunum kipni aket fanang ayo fal-siki talal-bam dota-silipla, Yesus ayo talak o, kala-lomdu kanum bokosu) no.