Popular Bible Verses from Geiq Dwzbaijyienz 1

Share

Hoeng, daengz mwh Hoenzsaenz Cangqdiq daeuj daengz gwnz ndang faenhsou nex, faenhsou couh ndaej miz ndaek cungj geizmiuj dih bonjsaeh he lo; faenhsou ij bae baenx cenz Yehluqsajlaengj, cenz Youzdaiq, cenz Sajmajliqyaq simqciq baenx cenz lajmbwn sojmiz hih dieg bae, gangj naeuz gij vunz ni, hawj gyoengqde rox gou sojmiz dih saeh.”

Yehsuh han gyoengqde naeuz: “Bohmbwn de gag ciuq gij gienzveih bonjfaenh de ma dingh mwhlawz, ngoenzlawz; gij neix mbouj dwg faenhsou siengj rox couh ndaej rox hih nej.

Miz mbat he, de caeuq gyoengq lwgsae de doxcomz. De raengq gyoengqde naeuz: “Faenhsou mbouj ndaej lizgaih Yehluqsajlaengj; ij youq mwnqneix daengj Bohmbwn dapwngq goq ij hawj faenhsou hih, couh dwg gou caeuq faenhsou gangj goq hih, couh dwg naeuz goq mbouj geijlwh ngoenz, Hoenzsaenz Cangqdiq couh ij daeuj daengz gwnz ndang faenhsou, sijlij hawj faenhsou—mbouj luj gaxgonq Yozhanq aeu raemx ma sijlij law.”

Daj de souh nanh goq hwnj seiqcib ngoenz ndaw de, de yienh hawj gyoengq lwgsae de raen goq haujlai mbat, yungh haujlai cungj fanghfaz ma cingqmingz de vanzlij lix, caemh vanzlij caeuq gyoengqde gangj gvanhhih aen guek Cangqdiq dih saeh.

Couh youq mwh de gangj sat doenghgij vah neix hih mwhde, de mingzmingz youq dangqnaj gyoengqde hwnj mbwn bae lo. Miz vangq fwj he baex gyoengqde hwj yawj mij raen de laem lo.

De hwnj mbwn bae hih mwhde, gyoengqde cungj muengh hwnj gwnzmbwn bae yawj, yawj hwj ra mbouj yaep. Couh youq mwhneix, sawqmwh miz song boux daenj buh bieg hwj ndwn youq henz ndang gyoengqde, doiq gyoengqde naeuz: “Gij vunz Gyahliqliq faenhsou hax, faenhsou vihmaz ij ndwn youq dineix muengh mbwn yawj mbwn nej? Boux biek faenhsou hwnj mbwn bae hih Yehsuh, faenhsou yawjraen de baenzlaw hwnj mbwn bae, baezneix de caemh dwg baenzlaw roengz ma lo.”