Popular Bible Verses from Geiq Dwzbaijyienz 20

Share

Gou mboujguenj guh gijmaz saeh, cungj daiq daeuz guh ndei, hawj faenhsou rox wnggai gaenz guh hong bae bang gij vunz mij rengz he, miz nanh he; faenhsou caemh ijaeu ndaejgeiq bouxcawj raeuz Yehsuh gangj goq naeuz: ‘Boux hawj he beij boux ndaej he engqgya miz fuk.’”

Hoeng mboujguenj baenzlawz yiengh, cungj mbouj ndaej laengz gou; diuz mingh gou doiq gou ma gangj gaenhbaenj mbouj suenq guxmaz, cijaeu byaij sat diuz roen gou, couh dwg guh ndei gij hong bouxcawj raeuz Yehsuh gyau hawj gou hih, ndaej cenzgangj Cangqdiq haijliengh aiq vunz dih ndei siuhsiz couh ndaej lo.

“Faenhsou ij gag guenj ndei bonjfaenh; Hoenzsaenz Cangqdiq gaenq laeb faenhsou, hawj faenhsou luj boux ciengx yiengz yienghmwnq daeuj guenj ndei aen gyauqveiq de lo, aenvih gyauqveiq dwg Cangqdiq aeu gij lwed daeglwg de ma cueg ma hih.

“Seizneix gou dawz faenhsou gyau hawj Cangqdiq. Gou muengh faenhsou dawz gou soj gangj naeuz sou ni hih gij ndei siuhsiz mwnq geiq youq ndaw sim hwj ndaej bienqbaenz boux lwgsae yied ngoenz yied ndei he, hawj faenhsou caemh ndaej daengz Cangqdiq vih gij vunz bonjfaenh de hwj cwnjbiq hih gij fuk mwnq.