Popular Bible Verses from Luqgyah Saw 10

Share

Gou caemh gaenq hawj gienz hawj faenhsou ndaej caij duz ngwzdoeg caeuq duz ceh hih lo, caemh hawj gienz hawj faenhsou ndaej ak goq dizyinz, Sajdanq, mbouj ngaiz gijmaz sienghaih lo.

Gajlaeng, Yehsuh han naeuz: “Majdaq hax, Majdaq, Mwngz vih hong lai hwj simnyap, hoeng, youqgaenj hih saeh cijngamq miz gienh he. Majliqyaq de gaenq guh ndaej daengz lo; mij'z vunz ndaej dajlaeng de dued aeu bae law.”

Boux fazliz cenhgyah mwnq han naeuz: “Ndaw de naeuz: Mwngz ij caensim caen'eiq ndiep gyaez Cangqdiq, bouxcawj mwngz. Ndaw de vanzlij naeuz: Ij aiq gyoengq gekleiz caemh luj aiq bonjfaenh ityiengh.”

Gyoengqde ij bae hih mwhde, Yehsuh yungh gij beijgangj he ma doiq gyoengqde naeuz: “Ij ndaej sou hih haeuxhaeux mienhmienh daiq lai lai lo, hoeng, doenghheij vunz sousou gvejgvej he daiq noix lai lo; sojhij faenhsou ij gouz boux guenj dajsou he lai baij vunz bae sou cij ndaej.”

Yehsuh gangj daengz dineix le, couh cam boux fazliz cenhgyah mwnq naeuz: “Hawjm'z naeuz yawj hux, sam boux vunz neix, bouxlawz dwg boux ngaiz caeggeq duet roen mwnq dih gekleiz nej?” Boux fazliz cenhgyah mwnq naeuz: “Boux hojsik bang vunz mwnq.” Yiengq Yehsuh couh doiq de naeuz: “Yiengq mwngz couh ciuq de yienghmwnq bae guh bax.”

De caiq naeuz: “Faenhsou bae bax! Hoeng faenhsou ijaeu rox, gou baij faenhsou ok bae caemhdangq luj duz yiengzlwg ndaenj haeuj ndaw gyoengq langz bae ityiengh.