Popular Bible Verses from Luqgyah Saw 14

Share

“Hauhnaeuz faenhsou ij daeuj gaen gou nex, couh ij aiq gou beij aiq heij boh heij meh, heij yah heij lwg, heij beixnuengx daiqlienz bonjfaenh faenhsou vanzlij lai cij ndaej; mbouj nex, couh mbouj ndaej daeuj gaen gou, guh lwgsae gou.

Famz mbouj aemq aen gyaq cixcib bonjfaenh daeuj gaen gou hih, sij mbouj ndaej diuz mingh bonjfaenh hih, couh mbouj ndaej guh gij lwgsae gou.

Aenvih gag naemqnaeuz bonjfaenh dij hih vunz, gajlaeng cungj ngaiz gag najmomj; gag naemqnaeuz bonjfaenh mbouj dij hih vunz, daengz gajlaeng couh ndaej najrongh.”

Faenhsou caemh doxdoengz; hauhnaeuz faenhsou miz byawz sij mbouj ndaej bonjfaenh de sojmiz hih nex, caemh mbouj ndaej guh lwgsae gou.”

“Caemh lujnaeuz miz byawz ij hwnq aen dap he, de mbouj sien suenq ndei, suenqsuenq yawj ij vah bae geijlai ngaenz cij ndaej hwnq baenz aen dap he nex? Mbouj nex, hoengjlau caenhgag ndaej roengz giek lah, couh mij ngaenz ndaej hwnq hwnjdaeuj lo. Daengz mwhmwnq, hawj vunz raen le, dawz ma guh vahriu, naeuz: ‘Yawj veiq, boux vunz bouxn'x! Caenh rox heijdaeuz, mij rox satrieng!’”

Dauqfanj, mwngz cingj laeuj nex, ij cingj doengh boux vunz gungz he, fawz vej he, ha vej he, rafangz he; yienghmwnq mwngz couh miz fuk lo! Gannaeuz gyoengqde mij bonjsaeh ndaej dauq cingj mwngz boiz lah, hoeng daengz boux youq ndaw lwgra Cangqdiq dwg boux simndei simsoh he dih vunz dauqlix mwhde, Cangqdiq gaengjdingq vih gyoengqde hwj boiz mwngz.”

De vanzlij caiq naeuz: “Gyu baenjlaiz miz yungh hih, hoeng, hauhnaeuz gij de bienq lo, mij veiqdauq lo, yiengq ij baenzlaw caiq ndaej hawj de ndaengq haem nej? Mij'z yungh hih gyu, daiqlienz coengq haeuj doem coengq haeuj bwnh bae cungj mij'z yungh haem. Yiengq mbouj dawz de vwtvak bae, diuh de ma guxmaz? “Daxbaenh gou soj gangj hih, faenhsou ijaeu dawz haeuj rwz!”