Popular Bible Verses from Luqgyah Saw 17

Share

Gajlaeng, de couh doiq boux de naeuz: “Hwnq bax, maj lo! Gij sinqsim mwngz ndaej yw mwngz lo.”

Hauhnaeuz de ngoenz he daekcoih mwngz caet mbat, hoeng de moix mbat cungj doiq mwngz naeuz: ‘Gou gaij, gou gaij,’ yiengq mwngz cungj ij nyiuz de.”

Yiengq gyoengq vunz ndaw de miz boux he yawjraen bonjfaenh gaenq ndei lo le, couh vaiqdi dauq ma hemq haenh Cangqdiq goggog, caiq bomz youq dangqnaj Yehsuh docih de. Boux neix dwg Sajmajliqyaq vunz.

Faenhsou ij siujsim! “Hauhnaeuz boux beixnuengx mwngz daekcoih mwngz nex, mwngz couh ij naeuz de. Hauhnaeuz de gaijgoq nex, mwngz couh ij nyiuz de.

Yehsuh raen le couh naeuz: “Yw ndaej ndei hih mbouj dwg miz cib boux maz? Lij gouj boux laem nej?

Gajlaeng Yehsuh naeuz: “Hauhnaeuz gij sinqsim faenhsou ndaej hung luj ceh byaekgat nex, faenhsou cungj ndaej seizbienh guh daengz gijmaz. Yiengq cungjsuenq naeuz faenhsou mingqlingq go faex neix naeuz: ‘Lienz rag lienz goenq ciemz hwnjdaeuj; daengj roengz haij bae!’ yienghneix naeuz, go de cungj caemh dingq faenhsou hih.”

Doenghheij vunz ij baux bonjfaenh hih, dauq ngaiz vwt bonjfaenh; doenghheij vunz sijndaej vwt bonjfaenh hih, dauq ndaej baux bonjfaenh.

Yehsuh caiq doiq gyoengq lwgsae de naeuz: “Cungj miz gij saeh hawj vunz famh coih he, hoeng yungx hawj vunz famh coih hih vunz satsoq lo! Boux yungx vunz famh coih mwnq, hozmboujyienz sien gag dawz famuh rin venj hwnj gwnz hoz bonjfaenh bae, gveng roengz haij bae. Yienghmwnq ndei goq de hawj vunz famh coih bae.

“Mwh gou, Vunz dih Daiqbiuj, daeuj hih mwhde, caemh luj aen nienzdaiq Nozyaq ityiengh; gij vunz gwgw, aeuaeu, haqhaq, gajlaeng daengz Nozyaq haeuj ruz bae hih ngoenz mwnq, raemx dumh dawz gij vunz cawzcag liux.