Popular Bible Verses from Luqgyah Saw 8

Share

Hoeng doengh ceh doek youq ndaw doem biz mwnq nex, couh dwg gij vunz simndei simsoh mwnq. Gyoengqde dingq gij vah Cangqdiq le, couh caeng youq ndaw sim laeglaeg hwj. Cungj vunz neix mbouj lau dwgrengz sinhoj, ndaej guh gij saeh youq ndaw lwgra Cangqdiq miz yungh he.”

Doengh ceh doek youq ndaw caz oen mwnq, couh dwg naeuz vunz dingq gij vah Cangqdiq lo, gajlaeng, vihliux saenghhoz dih saepsaep soiqsoiq, cienzngaenz hah, yangjcouq hah hwj gaz dawz lo, mbouj ndaej guh gij saeh youq ndaw lwgra Cangqdiq miz yungh he.

Doengh ceh doek youq gwnz rin mwnq, couh dwg vunz dingq gij vah Cangqdiq. Gannaeuz dingq hwj cienfanh angq he lah, hoeng caeng youq ndaw sim mbouj laeg. Ndat ndaej yaep he, baex roeb daengz gaujniemq he, couh caepcat liux lo.

Gajlaeng Yehsuh couh doiq doengh boux lwgsae de naeuz: “Gij sinqsim faenhsou nwj bae hoh lah?” Gyoengqde raen yienghneix le, bouxboux cungj raen geizheih, cixcaemh lau hwj ij rai bae, cungj gag naeuz: “Geizheih, geizheih, boux vunz bouxn'x dauqdaej dwg byawz hax? De mingqlingq rumz caeuq raemx, gingqyienz raemx caeuq rumz cungj dingq de!”

Doengh ceh doek youq henz roen mwnq, couh dwg naeuz vunz dingq gij vah Cangqdiq le, gajlaeng miz fangzvuengz daeuj daj ndaw sim gyoengqde dued aeu bae, mbouj hawj gyoengqde sinq le ndaej gouq.

Sojhij, mboujguenj miz geijlai miqmiz, cungj ij gangj okdaeuj hawj vunz rox; mij'z naeuz yo miqmiz hwj.

Boux vunzbaz mwnq dingq le, rox naeuz muenz mbouj goq Yehsuh lo. Couh saenz doeddoed hwj goq dangqnaj de daeuj gvih bomz roengzbae, youq dangqnaj gyoengq vunzlai naeuz de ni bonjfaenh de vihmaz ij mo de, caeuq mo de le couh majcangq ndei he, gij saeh neix. Yehsuh dingq le, couh doiq de naeuz: “Dahniq hax, gij sinqsim mwngz ndaej gouq mwngz lo; mwngz couh coengqsim maj bax!”

Hoeng Yehsuh vanzlij ninz hwj ndaek fwjfwq. Gyoengq lwgsae de raen yienghneix le, cungj simvueng hwj vaiqdi heuh Yehsuh singj, naeuz: “Lauxsae, lauxsae, yaepm'x gyoengqraeuz cungj ngaiz rai liux bae!” Yehsuh dingq gyoengq lwgsae de yienghneix hemq le, couh ndwn hwnjdaeuj ndaq gij rumz caeuq gij bohlangq, yiengq rumzrumz raemxraemx couh majcangq doq dinghcub.