Popular Bible Verses from Luka 11

Share

Bol lah khân ay may jêng bunuyh tih kađôi, khân ay may hôm blao ăn ndơ ueh ma kon đŏng, lah ndri Bơ̆ gŭ ta kalơ trôk rlau bơh nây ăn Brah Huêng Ueh i kloh ueh ma bu moh dăn bơh Păng.”

Kơt ndri Gâp mbơh ma khân ay may, dăn mro mrăng hŏm ma Kôranh Brah dâng Păng ăn ma khân ay may, joi mro mrăng hŏm dâng say, kuăl mro mrăng hŏm bơh dih mpông dâng Kôranh Brah pơk ăn ma khân ay may ro.

Yorlah bu moh dăn mra geh, bu moh joi mra say, jêh ri bu moh i kuăl bơh dih mpông mra pơk ăn ma păng.

Brah Yêsu ơh ma khân păng: “Ăn khân ay may mbơh sơm kơt nđa: ‘Ơ Bơ̆ [gŭ ta kalơ trôk], Ăn dâng lĕ bunuyh yơk mbah ma May [dăn dâng lĕ nau ta neh ntu dja tâng nau May ŭch, tâm ban ma nau May nơm lĕ ŭch ta kalơ trôk đŏng].

Yô̆ nđach lơi hôm kơp nau tih hên Tâm ban ma hên yô̆ nđach ma bunuyh jan tih ma hên, mâu hôm kơp nau tih păng đŏng. Kơl hên lơi ôh jan tih, nôk hên geh nau ndơm [dăn rklaih hên bơh nau djơh mhĭk]’.”

Ăn ndơ sông sa ma hên ăp nar ăn tŏng.

Trôm măt khân ay may jêng tâm ban ma sagêng ma săk jăn, lah trôm măt khân ay may hôm ang ueh, lĕ săk jăn khân ay may hôm ang dadê, yơn ma lah trôm măt khân ay may lĕ ngo jêh, lĕ săk jăn khân ay may jêng ngo dadê đŏng.

Brah Yêsu nti jât: “Mâu geh ôh bunuyh mpêh ŭnh sagêng, jêh ri pôn ta kuâl, mâu lah kŭp lơi đah sah bơh lơ. Bu vay mpêh sagêng yông ta kalơ, gay ma ang lĕ bunuyh i lăp ta trôm jay nây.