Popular Bible Verses from Hechos 9

Share

Ndisu̱ ni̱ kaꞌa̱n ka̱ xto̱ꞌo̱ e̱ꞌ xiinꞌ ra̱ ndii: ―Kuaꞌan, sa̱kanꞌ ña̱ ni̱ na̱ka̱xi̱n ña̱ꞌaꞌ i̱, te̱ ka̱ka̱ nu̱u̱ ra̱ nuu̱ꞌ i̱, te̱ kaꞌa̱n ndo̱so̱ꞌ ra̱ xaꞌa̱ꞌ i̱ nuu̱ꞌ ne̱ tukuꞌ xiinꞌ nuu̱ꞌ te̱ xaꞌndia chuunꞌ kuuꞌ nu̱uꞌ, xiinꞌ nuu̱ꞌ ne̱ taꞌanꞌ u̱nꞌ, ne̱ Israel.

Te̱ ni̱ ndu̱va̱ ra̱ ñu̱ꞌuꞌ, te̱ ni̱ xi̱ni̱ so̱ꞌo̱ ra̱ i̱i̱n tachi̱ꞌ yu̱ꞌuꞌ kaꞌán a̱ xiinꞌ ra̱ ndii: ―Saulo, Saulo. ¿Ndichun na sandoꞌoꞌ u̱nꞌ yuꞌu̱? ―ni̱ kachi̱ a̱. Te̱ ni̱ nda̱tuꞌu̱nꞌ ña̱ꞌaꞌ ra̱ ndii: ―¿Yo̱o̱ nduuꞌ yoꞌó, tákuiꞌe? ―ni̱ kachi̱ ra̱. Te̱ ni̱ kaꞌa̱n tachi̱ꞌ yu̱ꞌuꞌ ja̱a̱nꞌ ndii: ―Yuꞌu̱ nduuꞌ Jesús, ña̱ sandoꞌoꞌ u̱nꞌ. Sandoꞌoꞌ xiinꞌ miiꞌ mi̱iꞌ u̱nꞌ nde̱e̱ naa xaaꞌ i̱i̱n ki̱tiꞌ kii̱ꞌ kachaꞌniꞌ riꞌ ka̱a̱ xíinꞌ nuu̱ꞌ kii̱ꞌ xaaꞌ u̱nꞌ sa̱kanꞌ ―ni̱ kachi̱ a̱.

Sa̱kanꞌ te̱ ni̱ ke̱ta̱ ra̱ kuaꞌa̱n ra̱, te̱ ni̱ ndiꞌvi̱ ra̱ vi̱ꞌe̱ ja̱a̱nꞌ. Te̱ ni̱ tondi̱a̱ nda̱ꞌaꞌ ra̱ Saulo ja̱a̱nꞌ, te̱ ni̱ kaꞌa̱n ra̱ xiinꞌ te̱ ja̱a̱nꞌ ndii: ―Ña̱ni̱ i̱ Saulo, xto̱ꞌo̱ e̱ꞌ Jesús, ña̱ ni̱ tuvi̱ nuu̱ꞌ u̱nꞌ i̱chiꞌ miiꞌ ni̱ ki̱xi̱n u̱nꞌ, ni̱ ti̱ꞌviꞌ yuꞌu̱, te̱ na̱tuvi̱ tu̱ku̱u̱ nuu̱ꞌ u̱nꞌ, te̱ ku̱tuꞌ nimá u̱nꞌ xiinꞌ Espíritu Santo ―ni̱ kachi̱ ra̱. Xa̱kaꞌán e̱ꞌ, te̱ ni̱ koyo̱ i̱i̱n nuu̱ꞌ ña̱ iinꞌ nde̱e̱ naa ma̱chi̱n ndu̱chiꞌ nuu̱ꞌ ra̱, te̱ ni̱ na̱tuvi̱ tu̱ku̱u̱ a̱. Te̱ ni̱ ndo̱ndi̱chi̱ ra̱, te̱ ni̱ chi̱chi̱ ra̱ kuenta Jesús.