Popular Bible Verses from San Juan 11

Share

Te̱ ni̱ kaꞌa̱n Jesús xiinꞌ aꞌ ndii: ―Yuꞌu̱ nduuꞌ ña̱ sanatiaku ne̱ ni̱ xiꞌi̱, te̱ su̱vi̱ tu̱ i̱ nduuꞌ ña̱ taxiꞌ kivi̱ꞌ ñu̱u̱ ne̱ yivi̱ꞌ. Te̱ yo̱o̱ ka̱ i̱ni̱ xini yuꞌu̱ ndii, tee̱ꞌ ndee ni̱ xiꞌi̱ ni̱a̱ ndii, na̱ti̱a̱ku̱ ni̱a̱ sa̱a̱ i̱. Te̱ sa̱kuuꞌ ne̱ tiaku, naaꞌ i̱ni̱ ni̱a̱ xini ni̱a̱ yuꞌu̱ ndii, kö̱o̱ꞌ kivi̱ꞌ ku̱vi̱ ni̱a̱. ¿Ñáá kandixaꞌ u̱nꞌ ña̱ ja̱a̱nꞌ? ―ni̱ kachi̱ a̱ xiinꞌ ñaꞌ ja̱a̱nꞌ.

Te̱ ni̱ kaꞌa̱n Jesús xiinꞌ aꞌ ndii: ―¿Ñáá näkaꞌanꞌ u̱nꞌ ña̱ xa̱ ni̱ kaꞌa̱n i̱ xiinꞌ u̱nꞌ ña̱ naaꞌ i̱ni̱ u̱nꞌ xini u̱nꞌ yuꞌu̱ ndii, ku̱ni̱ u̱nꞌ ña̱ niaꞌa̱ Ndiosí ña̱ ndi̱e̱eꞌ kooꞌ chukuuꞌ a̱? ―ni̱ kachi̱ a̱.

Te̱ ni̱ xa̱ku̱ Jesús.

Te̱ ni̱ kaꞌa̱n Jesús kii̱ꞌ ni̱ xi̱ni̱ a̱ tu̱ꞌu̱n ja̱a̱nꞌ ndii: ―Kuiꞌe̱ ja̱a̱nꞌ ndii, süu̱ꞌ ña̱ ka̱ꞌni̱ꞌ xa̱chiꞌ ña̱ꞌaꞌ nduuꞌ a̱, süu̱ꞌ ja̱a̱nꞌ ndii yoo a̱ te̱ na̱ti̱i̱n Ndiosí ña̱ tiinꞌ kaꞌnuꞌ ña̱ꞌaꞌ ne̱ yivi̱ꞌ, te̱ yoo tu̱ a̱ te̱ na̱ti̱i̱n yuꞌu̱, ña̱ nduuꞌ siꞌe̱ Ndiosí, ña̱ tiinꞌ kaꞌnuꞌ ne̱ yivi̱ꞌ yuꞌu̱ ―ni̱ kachi̱ a̱.

Ndi̱ꞌi̱ ni̱ kaꞌa̱n a̱ ña̱ ja̱a̱nꞌ, sa̱kanꞌ te̱ tiꞌeꞌ ni̱ kaꞌa̱n a̱ ndii: ―Lázaro, ni̱a̱ꞌa̱ yoꞌoꞌ ―ni̱ kachi̱ a̱. I̱kanꞌ te̱ ni̱ ke̱ta̱ te̱ ni̱ xiꞌi̱ ja̱a̱nꞌ ndisuku̱ꞌ toto̱ nda̱ꞌaꞌ ra̱ xiinꞌ xaꞌa̱ꞌ ra̱, te̱ ndisuku̱ꞌ i̱i̱n pein nuu̱ꞌ ra̱. Te̱ ni̱ kaꞌa̱n Jesús xiinꞌ ne̱ yivi̱ꞌ ja̱a̱nꞌ ndii: ―Nda̱xinꞌ ndo̱ꞌ ra̱ te̱ kuꞌu̱n ra̱ ―ni̱ kachi̱ a̱.

Te̱ tu̱ku̱ sa̱kanꞌ ni̱ tu̱xuꞌví nimá Jesús, te̱ ni̱ ku̱ya̱ti̱n a̱ yavi̱ ndi̱i̱ ja̱a̱nꞌ. Te̱ to̱koꞌ ka̱va̱ꞌ iinꞌ yavi̱ ja̱a̱nꞌ, te̱ ndasiꞌ yu̱ꞌuꞌ a̱ xiinꞌ i̱i̱n yuu̱ꞌ.

I̱kanꞌ te̱ ni̱ kaꞌa̱n ka̱ a̱ ndii: ―Lázaro, te̱ xiní taꞌanꞌ xiinꞌ e̱ꞌ ndii, kixín ra̱, ndisu̱ kuꞌu̱n sa̱ndotoꞌ ña̱ꞌaꞌ i̱ ―ni̱ kachi̱ a̱.