Popular Bible Verses from Hechos 2

Share

Kemaj Pedro okinmijlij: —Xmoyolpatlakan niman xmokuatekikan cada se de nemejuamej ikan itokatsin JesuCristo para nemotlajtlakoluan mechtlapojpoluiliskej, niman nenkiseliskej on itetlayokolil Dios yejuan Espíritu Santo.

Niman nochimej kuajli nouikayaj ken on apóstoles* kitemachtiayaj, niman kisepamatiyaj niman nosentlaliayaj para kikuayaj on Santa Cena, niman kichiuayaj oraciones.

Niman on Espíritu Santo nochimej okinyolten. Kemaj opejkej tlajtlajtouaj ikan sesekneka yenkuik tlajtojli* ijkon ken on Espíritu Santo kimpaleuiyaya para ma tlajtlajtokan.

Kemaj nimantsin ouajtlakokomokak ne ipan cielo ken ijkuak sanoyej* chikauak ajaka. Niman on ajakatl okakistik ijtik nochi on kajli kampa yejuamej yejyeuatikatkaj. Niman ouajnonextij ken itlaj tlitl yejuan onoxexeloj impan cada se ken itlan nenepiltin. Niman on Espíritu Santo nochimej okinyolten. Kemaj opejkej tlajtlajtouaj ikan sesekneka yenkuik tlajtojli* ijkon ken on Espíritu Santo kimpaleuiyaya para ma tlajtlajtokan.

Mojmostla nosentlaliayaj ipan on ueyitiopan, niman inchajchan kikuayaj on Santa Cena, niman tlakuayaj san sekan ikan paktli niman yolyemanilistli. Kiyekteneuayaj Dios, niman nochi tlakatl kinmixpakaitaya kuajli. Niman toTEKO más kinmiyekilijtiaya mojmostla on yejuan nomakixtiayaj.

Dios kijtoua: “Ipan on sa ika nochi tonaltin, niktlalis noEspíritu ipan nochimej tlaltikpaktlakamej. Niman nemokoneuan tlakamej niman siuamej, kiteijliskej tiotlajtojli yejuan kiseliskej itech Dios. Niman nemotelpochuan kitaskej tlatlachalistli yejuan ken intemikpan, niman on ueuentsitsinmej temikiskej.

Nochimej yejuan otlaneltokakej kuajli nouikayaj san sekan ikan san se inyojlo. Niman nochimej kinomakayaj nochi tlajtlamach* tlen kipiyayaj. Kinamakayaj intlal niman okseki tlajtlamach* tlen kipiyayaj, niman on tomin kinxelouiliayaj ken cada se kipolojtikatka.

Niman san akinon yejuan kitlajtlanilis toTEKO para ma makisa, toTEKO kimakixtis.”

On tonaltsintli kapotseuis*, niman on metstli chichiliuis ken itlaj yestli. In nochiuas achtoj ijkuak xe yejko on ueyi tonajli ijkuak iluiu yes toTEKO.