Popular Bible Verses from San Juan 19

Share

Ijkuak Jesús okonik on vinagre, okijtoj: —Nochi kuajli yonocumpliroj. Kemaj onotsonakapiloj, niman ouajnomikilij.

Kemaj ijkuak nochi in yopanok, Jesús kimatstikatka ika nochi itekiu yotlan, niman para onocumpliroj on Yektlajkuilojli, ijkin okijtoj: —Nejua namiki.

Ijkuak Jesús okitak inanaj iuan ijkatikaj on nomachtijketl yejuan sanoyej kitlajsojtla*, okijlij inanaj: —Siuatl, ompa on nemi mokoneu. Kemaj okijlij on nomachtijketl: —Ompa on nemi monanaj. Niman desde ijkuakon on nomachtijketl okiselij María ipan ichan ken inanaj.

Pero ijkuak on soldados oyajkej itech Jesús okitakej ika yomik. Yejua ika, xok okikxipojpostekkej. Pero sen soldado okitsopinij ijtinakastlan ikan ilanza. Kemaj nimantsin okis yestli niman atl.

In tlajtlamach* onochiu para onocumpliroj on Yektlajkuilojli kampa kijtoua: “Nion se iomiyo xkipostekiliskej.” Niman oksekan no kijtoua: “Kitaskej on yejuan okitsopinijkej.”

Ijkon tej, Jesús okis okimamajtiaj on kojnepanojli* para oyaj ne kampa kitokayatiaj Mikatsontekomatlan, (yejuan ikan tlajtojli hebreo* itoka Gólgota).

On soldados okichijchijkej sen uitscorona niman okimaniltijkej Jesús. Niman no okitlakentijkej ikan sen tlakentli* morado.