Popular Bible Verses from San Juan 3

Share

’Tej, Dios sanoyej* okintlajsojtlak* on tlaltikpaktlakamej, hasta okitemakak isenteKonetsin para nochi on akin kineltokas xpoliuis, yej kipiyas nemilistli para nochipa.

Dios xokuajtitlan iKonetsin intech on tlaltikpaktlakamej para kintlajtlakolmakas, yej para on kimakixtis on tlaltikpaktlakamej.

Kemaj Jesús okijlij: —Ika tlen melauak nimitsijlia, tla yakaj xoksejpa tlakati, xuelis kalakis kampa Dios tlamandaroua.

’On yejuan kineltoka xkitlajtlakolmakaskej, pero yejuan xkineltoka ye kipiya tlajtlakolmakalistli san pampa xkineltoka isenteKonetsin Dios.

Yejuamej kiseliaj tlajtlakolmakalistli pampa ouajlaj on tlajuijli, yejuan iKonetsin Dios, ipan in tlaltikpaktli niman okintitij on kuajli ojtli para ipan nouikaskej, pero xkinekij nouikaskej ipan on kuajli ojtli, pampa yejuamej kichiuaj on tlen xkuajli.

Ijkon tej, ika onkaj yejua más ueyixtias niman nejua yej más nitemotias.

Nochimej yejuan kichiuaj on tlen xkuajli kitlauelitaj on tlauijli niman on kuajli ojtli yejuan okiteititij. Yejuamej xuajlauij itech pampa xkinekij nopantlantis intlajtlakol.

Yejuan kineltoka iKonetsin Dios kipiya nemilistli para nochipa, pero on yejuan xkitlakamati xkipiyas in nemilistli, yej kiselis on temojtij icastigo Dios.

Niman ijkon ken Moisés okipiloj on kouatl ipan kojtli* ne kampa xalpatlajkan, ika onkaj no ijki nechajkopiloskej nejua yejuan oninochiu Tlakatl

On Tajtli kitlajsojtla* iKonetsin, niman yokimaktilij nochi itekiuajyo ipan nochi tlen onkaj.